حاكم سه‌رحان مزگينيه‌ك يا بۆ فه‌رمانبه‌ران هه‌يى
ئه‌ڤرۆ نيوز:
حاكم سه‌رحان سلێڤانه‌يى، ئه‌ندامێ لژنا دارايى ل جڤاتا نوونه‌رێن عيراقێ راگه‌هاند كو ب گۆره‌يى ئه‌وان پێزانينێن ئه‌وى ب ده‌ست خوه خستين ژ وه‌زاره‌تا دارايى يا عيراقێ، بڕياره ئه‌وه د ڤێ حه‌فتيێ دا بودجێ هه‌يڤا كانوونا دويێ يا سالا 2015 بۆ هه‌رێما كوردستانێ بهێته ره‌وانه‌كرن.
حاكم سه‌رحان ته‌كست ل سه‌ر وێ چه‌ندێ ژى كر كو د ڤێ حه‌فتيێ دا، نووچه‌يێن خوه‌ش دێ گه‌هنه فه‌رمانبه‌رێن هه‌رێما كوردستانێ و كێشێن پاشكه‌فتنا مووچه‌يى ژى نامينن.
ئه‌ڤه زێده‌ترى ساله‌كێ يه هه‌رێما كوردستانێ كێشا دره‌نگ پێدانا مووچان هه‌يى و هێشتا هه‌موو وه‌زاره‌تا مووچێ هه‌يڤا 12 يێ سالا 2014 وه‌رنه‌گرتيه و حوكمه‌تێ راگه‌هانديه كو ئه‌و دێ چاڤه‌رێ به‌غدا كه‌ن بۆ پێدانا مووچێ هه‌يڤا 1 و 2 يێن سالا 2015 و ژ لايێ خوه ڤه به‌غدا ژى هێشتا ئه‌و مووچه نه‌هنارتيه.
