حكومه‌تا ئیراقێ: 320 ملیارێن مووچه‌یێن هه‌رێمێ دێ هێنه هنارتن
ئه‌ڤرۆ نیوز:
په‌یڤدارێ ب ناڤێ سه‌رۆكوه‌زیرێن ئیراقێ راگه‌هاند، برگا مووچه‌یێن فه‌رمانبه‌رێن هه‌رێما كوردستانێ د ناڤ قانوونا قه‌ران دا ده‌رباز نابیت و سێسه‌د و بیست دینار ل گۆره‌ى رێككه‌فتناهه‌ولێر و به‌غدا دێ هێنه هنارتن.
ئه‌حمه‌د مه‌لا ته‌لال راگه‌هاند، پشكا هه‌رێما كوردستانێ كو سێسه‌د و بیست ملیار دینارن، د ناڤا بودجه‌یا دوهزار و نۆزدێ دا هاتیه بنه‌جهكرن، ئه‌و پشكا مووچه‌یان ژى بۆ هه‌رێمێ دێ هێته هنارتن و دێ به‌رده‌وام بیت.
مه‌لا ته‌لال ئاشكرا كر، حكومه‌تا فیدرال پاره‌یێ دوسه‌د و پێنجى هزار به‌رمیلێن په‌ترۆلێ و داهاتێن فیدرال ژ هه‌رێمێ دبڕیت و پشكا مایى بۆ دهنێریت.
په‌یڤدارێ ب ناڤێ سه‌رۆكوه‌زیرێن ئیراقێ گۆت ژى: ب چو ره‌نگان ناهێته قه‌بوولكرن زیان بگه‌هیته فه‌رمانبه‌رێن هه‌رێما كوردستانێ ژبه‌ر دوبه‌ره‌كیێن سیاسى، نابیت ژى په‌نایێ ببه‌نه سیاسه‌تا دورشمان به‌رى هه‌لبژارتنان و زیان بگه‌هیته به‌رژه‌وه‌ندێن وه‌لاتییان.
