حكومه‌تا عێراقێ یا كه‌فتیه ل ژێر مه‌ترسیا هه‌لوه‌شاندنێ
ئه‌ڤرۆ نیوز،زنار تۆڤى:
چه‌ند وه‌زیرێن حكومه‌تا عێراقێ هێرشا ده‌ست ژ كاركێشانا خوه دكه‌ن،هه‌روه‌سا چه‌ند وه‌زیرێن دى به‌شدارى د كومبوونا ئه‌نجومه‌نێ وه‌زیران دا ناكه‌ن.
ژێده‌ره‌كێ ژ حكومه‌تا عێراقێ بۆ مالپه‌رێ(عه‌ین عێراق نیوز)راگه‌هاندیه:چه‌ند وه‌زیرێن حكومه‌تا عێراقێ داخوازا ده‌ست ژكار كێشانا خو كریه و به‌شدارى د كومبوونا ئه‌نجومه‌نێ وه‌زیران دا ناكه‌ن، ژ وانا”نه‌سیر عیساوى” وه‌زیرێ پیشه‌سازیێ و”موحسن شه‌مه‌رى”وه‌زیرێ ده‌رامه‌تا دارایى نامه‌یا ده‌ست ژكار كێشانا خوه دایه سه‌روك وه‌زیرێن عێراقێ حه‌یده‌ر عه‌بادى،هه‌روه‌سا به‌شدارى د هیچ كومبوونه‌كا ئه‌نجومه‌نێ وه‌زیران دا نه‌كریه.
هه‌روه‌سا دیاركریه:سه‌رجه‌م وه‌زیرێن نه‌رازى بوونا خوه دیاركرى سه‌ر ب كوتله‌یا سه‌در ڤه‌نه یاكو موقته‌دا سه‌در سه‌رپه‌رشتیێ لێ دكه‌ت،دیساڤه پێشبینیا هندێ دهێته كرن،كو چه‌ند وه‌زیرێن دى یێن سوننه ده‌ست ژكارى بكێشن و ئه‌ڤه‌ژى وێ چه‌ندێ دگه‌هینیت كو حكومه‌تا عه‌بادى یا ل ژێر مه‌ترسیا هه‌لوه‌شاندنێ.
ژلایێ خوڤه دكتور تارق گه‌ردى ئه‌ندامێ په‌رله‌مانێ عێراقێ دبێژیت:مه‌ترسى لسه‌ر حكومه‌تا عێراقێ هه‌یه و فشاره‌كا زور ل سه‌ر حه‌یده‌ر عه‌بادى هه‌یه و له‌ورا داهاتیێ حكومه‌تا عێراقێ یێ دیارنینه.
