حكومه‌تا هه‌رێما كوردستانێ پشته‌ڤانییا پرۆژه‌یاسایه‌كا كۆنگرێسێ ئه‌مریكی دكه‌ت
ئه‌ڤرۆ نیوز: ڤه‌ده‌ر ره‌شاڤایی:
پشتی بزاڤێن به‌رده‌وام یێن حكومه‌تا هه‌رێما كوردستانێ و رێكخراوێن هه‌رێما كوردستانێ، هه‌ردو پارتێن كۆماری و دیمۆكرات یێن ئه‌مریكی ده‌ستپێشخه‌رییا پرۆژه‌یاسایه‌كێ پێشكێشی كۆنگرێسێ ئه‌مریكی كر بۆ ناساندنا جینوسایدا ژ ئالیێ تیرۆرستێن داعش ڤه ل دژی كوردێن ئێزدی و شه‌به‌ك و هه‌روه‌سا كریستیانان ڤه ل ئیراقێ هاتییه كرن.
به‌یان سامی عه‌بدولره‌حمان نوونه‌را هه‌رێما كوردستانێ ل ئه‌مریكا ده‌ستخۆشی ل ڤێ بزاڤێ كر و پشته‌ڤانییا حكومه‌تا هه‌رێما كوردستانێ بۆ ڤێ ده‌ستپێشخه‌ریێ دیاركر و گۆت” هه‌رێما كوردستانێ دێ بگه‌رمی ل گه‌ل كۆنگرێسێ ئه‌مریكی كار كه‌ت بۆ ناساندنا ڤێ جینۆسایدا هاتییه كرن بمه‌ره‌ما هاریكاریكرنا قۆربانییان و رێ گرتن ژ دوباره‌بوونا جینوسایدان ل پاشه‌رۆژێ.”
