حه‌شدا شه‌عبى: هێرشێن عه‌بادى ل سه‌ر مه بۆ رازيكرنا ئه‌مريكايه
ئه‌ڤرۆنيوز:
فه‌رمانده‌يا حه‌شدا شه‌عبى دبه‌ياننامه‌كێ دا به‌حسێ هه‌لويستێن حه‌يده‌ر عه‌بادى سه‌رۆك وه‌زيرێن عيراقێ دكه‌ت ودبێژيت، عه‌بادى بۆ رازيكرن دلێ ئه‌مريكا، هێرش وهه‌لويستێن توند دكه‌ته سه‌ر مه وهه‌روه‌سا ڤێ چه‌ندێ دبه‌رژه‌وه‌نديا خوه ژى دا بكاردئينيت.
حه‌شدا شه‌عبى دياركر كو هێرشێن عه‌بادى بۆ سه‌ر حه‌شدا شه‌عبى به‌روڤژاى شيره‌تێن مه‌رجه‌عيه‌تا ئايينى نه ل عيراقێ.
حه‌يده‌ر عه‌بادى پێشتر راگه‌هاندبوو كو ميليشيێن حه‌شدا شه‌عبى ( قاسم زه‌يف) يێ كوشتى كو ناڤبرى به‌رپرسێ دارايى يا حه‌شدێ بوو، دبه‌رامبه‌ر دا حه‌شدا شه‌عبى ژى گۆتبوو كو عه‌بادى ڤى بابه‌تى وه‌كو پرۆپاگنده دبانگه‌شه‌يا هه‌لبژارتنێن بۆرى دا دبه‌رژه‌وه‌نديا خوه بكارئينايه.
فه‌رمانده‌يا حه‌شدا شه‌عبى دبێژيت” سياسه‌تێن عه‌بادى به‌ر ب ئاراسته‌كى دچن كو دبيت نياز هه‌بيت وى بودجه‌ى ببيريت ئه‌وێ بۆ مووچێ چه‌كدارێن حه‌شدا هاتيه دياركرن.
