حه‌شه‌د شه‌عبى گه‌فێن داگيركرنا كه‌ركووك دكه‌ن
ئه‌ڤرۆ نيوز:
ميليشياتێن شيعان گه‌فان ل كوردان دكه‌ن، ب چه‌كى رووى ب رووى وان ببن ل باژێرێ كه‌ركووكێ و ژ وى وه‌لاتى ده‌ربكه‌ن.
ب گۆره‌يى نوچه‌كێ ميديايێن عيراقى، حه‌شه‌د شه‌عبى ب نيازه هه‌ڤركيا ناڤبه‌را لايه‌نێن سياسى يێن كوردى ل باشوورێ كوردستانێ ب ده‌فه‌ت وه‌ربگريت و پشته‌ڤانيا ته‌مام يا خوه بۆ حه‌يده‌ر عه‌بادى سه‌رۆك وه‌زيرێ عيراقێ راگه‌هاند، بۆ هه‌ر كاره‌كێ له‌شكرى ل دژى كوردان ل كه‌ركووك.
حه‌شه‌د شه‌عبى داخوازێ ژ سه‌رۆك وه‌زيران كريه دووماهيێ ب ده‌سته‌لاتا كوردان بينيت و “دارده‌ستێ ئسرائيل” ناڤێ كوردان دبه‌ن.
ئه‌وان ميليشياتا ل لاپه‌رێ تايبه‌تێ خوه يێ تۆڕا جڤاكيا فه‌يسبۆكى ئاماژێ ب وێ چه‌ندێ دكه‌ت ل ده‌مه‌كێ “گه‌له‌ك نێزيك دا” كه‌ركووك دێ ژ “داگيركاريا” كوردان رزگار بيت و گه‌فان ل كوردان كه‌ت، كو ب “سزايێ داگيركه‌ريێ” ب مافێ خوه گه‌هن.
