حه‌فتيا بهێت هه‌ردو وه‌زيرێن پترۆلێ دێ چنه په‌رله‌مانى
ءئەڤرۆ نیوز:
ئەندامێ لژنا قانوونی ل جڤاتا نوونەرێن عیراقێ بۆ ئەڤرۆ دیارکر پشتێ پەرلەمانێ عیراقێ دەست ب کارێ خوە دکەت، دێ لژنا وزە و سامانێن سروشتی یا پەرلەمانێ عیراقێ بەرنامەی دانیت بۆ گازیکرنا وەزیرێ پترۆلا عیراقێ عادل عه‌بدولمه‌هدى و وەزیرێ سامانێن سروشتی یێ ھەرێمێ ئاشتی ھەورامی و دبيت ل حه‌فتيا بهێت ئه‌ڤ روونشتنه بهێته ئه‌نجام دان.
محسن سەعدون ئەندامێ لژنا قانوونی یا جڤاتا نوونەرێن عیراقێ گۆت: پێگیری رێکەڤتنا ناڤبەرا ھەرێمێ و بەغدایێ دا ناھێتە کرن و ژ بەر نەپێگیریکرنێ ژی حوکمەتا ھەرێما کوردستانێ نەچاربوویە پترۆلێ سەربەخۆ ب فروشیت بۆ بەرسینگرتنا قەیرانا دارای یا ھەرێما کوردستانێ گەڤتیە تێدا و دابینکرنا مووچێ فەرمانبەران و حوکمەتا عیراقێ ژێ خوە د دادنیت پێگیر، لەورا ژێ ئەم بزاڤێ دكه‌ين بەرنامەیەکی ب دانین ل پەرلەمانێ عیراقێ بۆ گازیکرنا ھەردو وەزیران دا کو ئەو رێژا دھێتە ھنارتن بۆ دەرڤە دیار بکەن و داھاتێ وێ بھێتە ئاشکراکرن و ئەگەرێن نەپێگیریێ ژی بھێنە دیارکرن، چونکو ل دووڤ رێکەڤتنی پێدڤیە حوکمەتا عیراقێ رێژا 17% بۆ ھەرێمێ رەوانە بکەت”.
ئەندامێ لژنا قانوونی ل جڤاتا نوونەرێن عیراقێ دیارکر وەکو قانوون ھێشتا رێکەڤتنا ناڤبەرا حوکمەتا ھەرێمێ و عیراقێ دا نەھاتیە ھەلوەشاندن و رێکەڤتن یا دروستە لێ پێگیری پێ ناھێتە کرن کو د ھەیڤێن بۆری دا ھەرێمێ ب رێیا سۆمۆ پترۆل رەوانەی بازارێن جیھانێ دکر لێ ئەو پارێ بۆ ھەرێمێ ھاتيە تەرخانکرن یێ کێم بوو ئەم دێ ل پەرلەمانێ عیراقێ بزاڤێ كه‌ين پێگیری ب رێکەڤتنی بھێتە کرن.
محسن سەعدون ئەو چەندە ژی دیارکر ھەتا نووکە ئەو ھایدار نەبووینە چو شاندێن حوکمەتا ھەرێمێ سەرا بەغدا بدەن ژ به‌ر پترولێ و رێکەڤتنا بەری نوکە ھاتيه کرن، پێدڤیە پێگیری ریکەڤتنێ ھاتبا کرن و گۆت: “عادل عه‌بدولمھدی وەزیری پترۆلا عیراقێ ژێ بزاڤێ دكه‌ت ئاریشا پترۆلێ بھێتە چارەسەرکرن، ئەم چاڤەرێنە ڤێ جارێ ئەنجامێن باش ھەبن، ھەتا نوکە چو داخوازنامەیێن فەرمى بۆ دانوستاندنێ ل سەر پترۆلا ناڤبەرا ھەرێمێ و بەغدا دروست نەبووینە”.
ئەندامێ لژنا قانوونی یا پەرلەمانێ عیراقێ گۆتژى: “ھاتنا وەزیرێ پترۆلا عیراقێ بۆ ھەرێما کوردستانێ بۆ دانوستاندن ل سەر پروسا پترۆلێ، پشتى فرۆتنا په‌ترۆلا هه‌رێمێ ب ره‌نگه‌كێ سه‌ربه‌خۆ هات، چونکو بەغدا وەکو پیدڤێ پێگرى ب رکەڤتنێ نەکریە و ھەرێما کوردستانێ نەچاربوو بریارێ بدەت ئێدی پترۆلا خوە سەربەخۆ بفروشیت.