حه‌يده‌ر عه‌بادى دێ چيته په‌رله‌مانى
ئه‌ڤرۆ نيوز:
بڕياره حه‌يده‌ر عه‌بادى سه‌رۆك وه‌زيرێن عيراقێ د روونشتنا سوبه‌هى يا جڤاتا نوونه‌رێن عيراقێ دا ئاماده بيت.
تۆڕا ميديايى يا عيراقيه به‌لاڤكريه كو بڕياره سوبه‌هى جڤاتا نوونه‌رێن عيراقێ مێڤانداريا سه‌رۆك وه‌زيرێن عيراقێ، حه‌يده‌ر عه‌بادى، بكه‌ت ژ بوو ئاگه‌هدار بوون ل سه‌ر ره‌وشا ئه‌منى يا نوكه يا عيراقێ و بجهئينانا به‌رنامێ حوكمه‌تێ ژ لايێ حوكمه‌تا وى ڤه.
ره‌عد ده‌هلكى ئه‌ندامێ هه‌ڤپه‌يمانيا هێزێن نشتيمانى يێن سونه راگه‌هاند كو هێزێن سونه ب تنێ دێ پشكدارى وێ برگێ ژ روونشتنا جڤاتا نوونه‌ران كه‌ن كو دێ سه‌رۆك وه‌زيرى تێدا مێڤان كه‌ن.
گۆتژى: “پشتى وێ كۆمبوونێ په‌رله‌مانتارێن سونه دێ روونشتنه‌كا تايبه‌ت ل دۆر وان بابه‌تان ئه‌نجام ده‌ن يێن عه‌بادى دێ به‌حس كه‌ت و بڕيارێ ده‌ن كا دێ ل سه‌ر بايكوتكرنێ د به‌رده‌وام بن يان ژى نه.
