حوكمه‌تا بريتانيا جاره‌كا دى پيرۆزباهيى ل نێچيرڤان بارزانى كر
ئه‌ڤرۆ نيوز:
ئه‌ڤرۆ رۆژا چارشه‌مبى 12ى خزيرانا 2019ێ د په‌يوه‌نديه‌كا تله‌فۆنى دا ل گه‌ل نێچيرڤان بارزانى سه‌رۆكێ هه‌رێما كوردستانێ، د. ئه‌ندرۆ موريسن وه‌زيرێ ده‌وله‌تا بريتانيا بۆ كاروبارێن رۆژهه‌لاتا ناڤه‌راست و گه‌شه‌پێدانا نێڤده‌وله‌تى، ب ناڤێ حوكمه‌تا بريتانيا پيرۆزباهى ل نێچيرڤان بارزانى كر و هيڤيا سه‌ركه‌فتنێ بۆ خواست د ئه‌رك و پۆستێ نوو دا.
هه‌ر د وێ په‌يوه‌نديا تله‌فۆنى دا، موريسن ته‌كست ل سه‌ر مۆكمكرنا زێده‌تر يا په‌يوه‌نديێن ناڤبه‌را هه‌رێما كوردستانێ و بريتانيا د هه‌موو واران دا ل ژێر سه‌ركرداتيا سه‌رۆك نێچيرڤان بارزانى دا كر.
ژ لايێ خوه ڤه سه‌رۆكێ هه‌رێما كوردستانێ سۆپاسيا په‌يوه‌نديا تله‌فۆنى و پيرۆزباهيكرنێ كر و ئه‌و په‌يوه‌ندى ب ده‌رفه‌ت زانى دا كو سۆپاسيا هه‌رێما كوردستانێ بۆ هاريكارى و پشته‌ڤانيا بريتانيا د ده‌مێن دژوار دا دووپات بكه‌ت، هه‌ر وه‌سا خواستا هه‌رێما كوردستانێ بۆ به‌ر ب پێشڤه‌چوونا زێده‌تر يا په‌يوه‌نديێن ل گه‌ل بريتانيا د هه‌موو واران دا نيشان دا.
