حوكمه‌تا عيراقێ رۆهنكرنه‌كێ به‌لاڤ دكه‌ت
ئه‌ڤرۆنيوز:
نڤيسينگه‌ها رۆژنامه‌ڤانى يا سه‌رۆك وه‌زيرێن عيراقێ، ره‌ت دكه‌ت كو سندووقا دراڤى يا نێڤده‌وله‌تى بودجا گشتى يا سالا 2018 يا عيراقێ ره‌ت كربيت.
سه‌عه‌د حه‌ديسى، په‌يڤدارێ نڤيسينگه‌ها رۆژنامه‌ڤانى يا سه‌رۆك وه‌زيرێن عيراقێ راگه‌هاند” بودجا گشتى يا سالا 2018 ل دووڤ چارچۆڤێن قانوونى يا هاتيه په‌سه‌ندكرن، دناڤبه‌را ده‌زگه‌هێن ده‌وله‌تا عيراقێ ل حوكمه‌تێ وپه‌رله‌مانى، هه‌موو بابه‌ت ژى ل گه‌ل مه‌رجێن به‌نكا دراڤى يا نێڤده‌وله‌تى به‌رۆڤاژى وهه‌ڤدژ نينه”.
حه‌ديسى گۆت ژى” ده‌نگوباسێن ره‌تكرنا بودجا عيراقێ ژلايێ سندووقا دراڤى يا نێڤده‌وله‌تى ڤه دراست نينن”.
دياركر ژى” چو هه‌لويست وبه‌رسڤێن فه‌رمى ژئاليێ سندووقا دراڤى يا نێڤده‌وله‌تى نه‌گه‌هشتينه حوكمه‌تا عيراقێ”.
ژبه‌ر خه‌رجيێن زۆر، سندووقا دراڤى يا نێڤده‌لوه‌تى قانوونا بودجا 2018 يا عيراقێ ره‌تكر ژبه‌ر پرنه‌كرنا كورتهێنانا بودجه‌ى ودياركرنا پشكا هه‌رێما كوردستانێ ئێك ژ پێبينيێن سندووقا ناڤبرى بوو.
ل 3 ڤێ هه‌يڤێ، په‌رله‌مانێ عيراقێ قانوونا بودجا 2018 بێ كوردان په‌سه‌ندكربوو.
