حوكمه‌تا عيراقێ زيانێن مه‌زن گه‌هاندينه ژينگه‌ها كوردستانێ
ئەڤرۆ نيوز:
رێڤەبەرێ گشتی یا داراستانێ ل کوردستانێ دیارکر، ھەتا نوکە نەشیاینە ب تەمامی و ستاندەر ژینگەھا کوردستانێ ب پارێزین ھەتا نوکە وەک داراستان ھێشتا ھەرەشەیا ل ناڤ چوونێ ل سەر ھەیە و نمرە ئێک حوکمەتا عیراقێ زیان ب ژینگەھا کوردستانێ گەھاندیە ل شەرێ ھەشت سالیا عیراق و ئیرانێ و شەرێن دووڤ دا ب کێمیا بارانکرنێ و بوردومانکرنا کوردستانێ.
حسێن حەمەد، رێڤەبەرێ گشتیا دارستانێ ل کوردستانێ بۆ ئەڤرۆ دیارکر كو پشتی راپەرینێ ھەتا نوکە 30 نەمامگەە ل کوردستانێ ھاتینە دروستکرن، بەریا سالا 2014 و قەیرانا دارایی سالانە 5 ملیون نەمام دھاتنە بەرھەمئینان ل گەل 111 پروژەیێن دارستانا دەسکرد 16 پارکێن مەزن ،ل سالا 2015 سێ سەدو چاردە ھزار دونەمێن ئەردی ژ ئەگەرێ سوتنێ زیان پێ کەفتیە و سالێن دووڤ دا باشتر بوو، بۆ وێ چەندێ مە ژیانەکا ساخلەم ھەبیت پێدڤیە ب باشترین شێوە ژینگەھا خوە پارێزین.