حوكمه‌تا عيراقێ پرۆژێ قانوونا بوودجا 2020ێ ره‌وانه‌ى جڤاتا نوونه‌ران دكه‌ت
ئه‌ڤرۆ نيوز، نيوار محه‌مه‌د سه‌ليم:
نڤيسينگه‌ها راگه‌هاندنێ يا سه‌رۆك وه‌زيرێن عيراقێ ئاشكه‌را دكه‌ت كو د ماوێ حه‌فتيه‌كێ دا، پرۆژێ قانوونا بوودجا 2020ێ دێ هێته ره‌وانه‌كرن بۆ جڤاتا نوونه‌رێن عيراقێ.
عه‌بدولموحسن هه‌نين، شيره‌تكارێ ئابوورى يێ سه‌رۆك وه‌زيرێن عيراقێ راگه‌هاند، دانوستاندن ده‌رباره‌ى پرۆژێ قانوونا بوودجێ و گوهۆڕينێن ل سه‌ر ل جڤاتا وه‌زيران د به‌رده‌وامن، به‌لێ د حه‌فتيه‌كێ دا، پرۆژێ قانوونا بوودجا 2020ێ يێ عيراقێ دێ هێته ره‌وانه‌كرن بۆ جڤاتا نوونه‌ران.
ئاماژه ب وێ چه‌ندێ ژى كر كو هه‌موو بزاڤێن وان ئه‌ون كو پرۆژه بێ كێشه و د زووترين ده‌م دا ب دووماهى بهێت و د ماوێ حه‌فتيه‌كێ هه‌تا 10 رۆژان دا دێ گه‌هيته جڤاتا نوونه‌ران.
ئاماژه ب وێ چه‌ندێ ژى كر كو له‌زكرن د ئاماده‌كرنا پرۆژه‌ى دا بۆ وێ چه‌ندێ يه به‌رى سه‌رێ سالا نوو ده‌نگ ل سه‌ر پرۆژه‌يى بهێته دان و ب ببيته قانوون دا كو خه‌له‌تيێن سالێن بۆرى دووباره نه‌بن.
