حوكمه‌تا نوو دێ گوهۆرينان د هه‌موو ده‌زگه‌هان دا كه‌ت
ئه‌ڤرۆ نيوز:
ئه‌ندامه‌كا لژنا ده‌ستپاكيێ ل په‌رله‌مانێ كوردستانێ راگه‌هاند، ل گه‌ل پێكئينانا حوكمه‌تا داهاتى يا هه‌رێما كوردستانێ دێ ده‌ست ب چاكسازيێ ل هه‌موو سێكته‌ران هێته كرن وگوهۆرين دێ ل ده‌زگه‌هێن كوردستانێ هێنه كرن.
له‌يلا عه‌بدولجه‌بار، ئه‌نداما لژنا ده‌ستپاكيێ ل په‌رله‌مانێ كوردستانێ ژ فراكسيۆنا پارتى ديموكراتى كوردستان ئه‌ڤرۆ پێنجشه‌مبى 4/4/2019 د داخۆيانيه‌كا رۆژنامه‌ڤانى دا، گۆت” ل گه‌ل پێكئينانا حوكمه‌تا نوو يا هه‌رێما كوردستانێ، ژ لايێ سه‌رۆك وه‌زيرێن نوو دێ ده‌ست ب چاكسازيێ د هه‌موو سێكته‌ران دا هێته كرن”.
گۆت ژى”به‌رنامه‌كێ تمام يێ هاتيه دانان تاكو د ده‌مێ چار سالێن داهاتى دا ب هوورى روو ب روويێ گه‌نده‌ليێ ببين وبريار ژى هاتيه دان گوهۆرين د هه‌موو ده‌زگه‌هێن هه‌رێما كوردستانێ دا بهێنه كرن ب تايبه‌ت ئو پۆستێن كو چار سالێن خوه د كاركرنێ دا ب دووماهى ئيناين”.
دياركر ژى” د ده‌مێ كابينا نوو يا حوكمه‌تا هه‌رێمێ دێ گه‌له‌ك چاكسازى هێنه كرن ودێ قرناغ ب قۆناغ روو ب روويێ گه‌نده‌ليێ بيت”.
ئاماژه كر كو د خۆلا نوكه يا په‌رله‌مانێ كوردستانێ دا گرنگترين كار بهێته كرن په‌سه‌ندكرنا پرۆژێ قانوونا چاكسازيێ يه.
خوياكر” د كابينا نوو يا حوكمه‌تێ دا دێ بزاڤ هێته كرن ب چو شێوه‌كى واسته وواسته‌كارى د ده‌زگه‌هان دا نه‌مينيت”.
