حوكمه‌تا هه‌رێمێ باج دانا سه‌ر ڤان كه‌ره‌ستان
ئه‌ڤرۆنيۆز:
حوكمه‌تا هه‌رێما كوردستانێ پرۆژه‌كێ وه‌زاره‌تا ساخله‌ميێ ل دۆر وه‌رگرتنا باجێ ل سه‌ر جگاران ونه‌رگێلا وڤه‌خوارنێن كحۆلى ب رێژا 5% ژبهايێ وان په‌سه‌ندكر.
رێكه‌وت حه‌مه ره‌شيد وه‌زيرێ ساخله‌ميێ ل هه‌رێما كوردستانێ دكۆنگره‌كێ رۆژنامه‌ڤانى دا راگه‌هاند” وه‌زاره‌تا ساخله‌ميێ پرۆژه‌ك پێشكێشى جڤاتا وه‌زيرێن هه‌رێما كوردستانێ كربوو ب مه‌ره‌ما وه‌رگرتنا باجێ ل سه‌ر جگاره ونه‌رگيلا وڤه‌خوارنێن كحۆلى”.
رێكه‌وتى گۆت ژى” رێژا باجێ ئه‌وا حوكمه‌تێ په‌سه‌ندكرى ل سه‌ر وان كه‌ره‌ستان دگه‌هيته 5% ژ بهايێ وان”.
رۆهنگر ژى” پتريا وه‌لاتێن پێشكه‌فتى باجێ ل سه‌ر جگاران وڤه‌خوارنێن كحۆلى وه‌ردگريت وحوكمه‌تا هه‌رێمێ ژى ب رۆلێ خوه رابوو ب رێيا په‌سه‌ندكرنا پرۆژێ وه‌زاره‌تا ساخله‌ميێ ل دۆر وه‌رگرتنا باجێ ل سه‌ر وان كه‌ره‌ستان”.
ل دۆر ده‌مێ وه‌رگرتنا باجێ ل سه‌ر وان كه‌ره‌ستان، گۆت”پشتى ب شێوه‌كێ فه‌رمى دهێته به‌لاڤكرن، دێ ئه‌و بريار هێته بجهئينان”.
گۆت ژى” داهاتێ ژ وێ باجێ دهێت دێ هێته بكارئينان بۆ مه‌زاختيێن پشكا خوه‌پاراستنێ ژنه‌خوه‌شيێن ئه‌و كه‌ره‌سته دبنه ئه‌گه‌رێ وان”.
