حوكمه‌ت دهێته پێگيريكرن ب وه‌رگرتنا قه‌رێن مووچه‌خۆران ژ پارێن پاشكه‌فتى
ئه‌ڤرۆنيوز:
ل دووڤ پرۆژه قانوونه‌كا په‌رله‌مانێ كوردستانێ، جڤاتا وه‌زيرێن هه‌رێمێ دهێته پێگيريكرن ب دروستكرنا كارتا ئه‌لكترۆنى ودانا پاشكه‌فتێ مووچێ فه‌رمانبه‌ران.
ب گۆره‌ى وى پرۆژه قانوونێ كو ل رۆژا ئێكشه‌مبيا بۆرى خواندنا ئێكێ بۆ هاتيه كرن، كارتا ئه‌لكترۆنى يان چه‌كێ به‌نكى بۆ هه‌موو فه‌رمانبه‌رێن هه‌رێما كوردستانێ دێ هێته دروستكرن وب رێيا ئێك ژوان دو شێوازان، هه‌موو باج ورسومات ژمووچێ پاشكه‌فتى يێ فه‌رمانبه‌ران دێ هێنه دان.
شێركۆ جه‌وده‌ت، سه‌رۆكێ لژنا پيشه‌سازى ووزێ ل په‌رله‌مانێ كوردستانێ بۆ دوارۆژ، راگه‌هاند” خواندنا ئێكێ بۆ پرۆژه‌ى يا هاتيه كرن وپێدڤيه سه‌رۆكاتيا په‌رله‌مانێ كوردستانێ دروونشتنێن داهاتى دا بێخيته دناڤ به‌رنامێ كارى دا”.
به‌رى نوكه جه‌عفه‌ر ئێمينكى، جێگرێ سه‌رۆكێ په‌رله‌مانێ كوردستانێ راگه‌هاندبوو” ل ده‌مه‌كێ نيزيك دێ پرۆژه‌ك ل دۆر مووچێ پاشكه‌فتى يێ فه‌رمانبه‌ران گه‌هيته په‌رله‌مانێ كوردستانێ”.
