حوكمێ سێداره‌دانێ بۆ پێنج ئه‌ندامێن داعشێ هاته ده‌ركرن
ئه‌ڤرۆنيوز:
دادگه‌ها تاوانان يا ناڤه‌ندى ل سه‌رۆكاتيا دادگه‌ها روسافه ل به‌غدا حوكمێ سێداره‌دانێ ده‌ركر ل سه‌ر پێنج ئه‌ندامێن رێكخراوا داعشێ يا تيرۆرستى كو كريارێن تيرۆرستى ئه‌نجامداينه.
دادوه‌ر عه‌بدولستار بيرقدار، په‌يڤدارێ فه‌رمى يێ جڤاتا دادوه‌رى يا بلند ل عيراقێ راگه‌هاند” ئه‌و كه‌سێن حوكمێ سێداره‌دانێ بۆ ده‌رچووى، پشكدارى دشه‌رێ دژى هێزێن ئه‌منى وله‌شكرى ل هه‌ردو پارێزگه‌هێن نه‌ينه‌وا وئه‌نبار كريه، زێده‌بارى ئه‌نجامدانا وان بۆ كريارێن تيرۆرستى”.
گۆت ژى” ئه‌و حوكم بۆوان هاته ده‌ركرن ل دووڤ مادێ ئێكێ ژ قانوونا نه‌هێلانا تيرۆرێ”.
