حوكمێ 7 سالێن زيندانكرنێ ل سه‌ر به‌رپرسه‌كێ عيراقى هاته سه‌پاندن
ئه‌ڤرۆنيوز:
به‌رپرسه‌كێ عيراقى ب تۆمه‌تا گه‌نده‌ليێ ب هه‌فت سالێن زيندانكرنێ هاته حوكمركرن.
عه‌بدولستار به‌يره‌قدار، په‌يڤدارێ جڤاتا دادوه‌ريا عيراقێ دبه‌ياننامه‌كێ دا دوهى پێنج شه‌مبى 18/1/2018 راگه‌هاند، دادگه‌ها تاوانێن ره‌سافه ل به‌غدا سزا ل سه‌ر جێگرێ رێڤه‌به‌رێ گشتيێ هێلا ئه‌سمانيا عيراقێ سه‌پاند ب زيندانكرنێ بۆ ده‌مێ هه‌فت سالان.
جێگرێ رێڤه‌به‌رێ گشتىێ هێلا ئه‌سمانى يا عيراقێ ژلايێ دادگه‌هێ ڤه هاته تاوانباركرن ب وه‌رگرتنا كوژمێ 350 هزار دۆلاران وه‌كو به‌رتيل ژكۆمپانيه‌كا فرۆكه‌ڤانى يا عه‌ره‌بى وحوكمێ زيندانكرنێ ب هه‌فت سالان بۆ هاته ده‌ركرن.
