حوكمەتا سعودیێ هژمارەكا میر و وەزیران دەستەسەركرن
ئەڤرۆ نیۆز:
حوكمەتا سعودیێ هژمارەكا میر و وەزیرێن بەرێ وبەرپرسێن بلند یێن سعودی ب فەرمانا شاهێ سعودیێ ب تۆمەتا گەندەلیێ دەستەسەركرن.
ل دووڤ دەزگەهێن راگەهاندنێ یێن فەرمی یێن سعودی، هەتا دەمژمێر 12 شەڤا شەمبی ل سەر ئێك شەمبی 11 میر و 38 وەزیر و جێگرێن وەزیران یێن بەرێ و نوكە وچەندین كەسایەتیێن دی ب تۆمەتا گەندەلیێ یێن هاتینە لادان و دەستەسەركرن.
ل دووڤ سایتێ (ئەلخەلیج ئونلاین)، گرنگترین كەسێن هاتینە دەستەسەركرن میر (متعب) وەزیرێ زێرەڤانێن شاهنشاهی كو دبیتە كورێ شاهێ بەرێ یێ سعودیێ عەبدوللا كورێ عەبدولعەزیزی و (خالد تویجری) سەرۆكێ دیوانا شاهنشاهی ومیر (وەلید كورێ تەلال) ملیاردێرێ بەرنیاس، زێدەباری وه‌زيرێن ئابوورى و پلاندانانێ و سەرۆكێ دەزگەهێ وەبەرئێنانێ وفه‌رماندێ هێزێن ده‌ريايى.
جێگرێ شاهنشاهێ سعودیێ (محەمەد كورێ سەلمانی) دداخۆیانیەكێ دا بۆ كەنالێ (الاخباریە) یێ سعودی گۆت “هەر كەسێ دەست د گەندەلیێ دا هەبیت، ژ سزادانێ ناهێتە قورتالكرن چ میر بیت یان وەزیر بیت، یان هەر كەسەكێ دی بیت”.
