حوكمەت پێشنیازا كۆمبوونا ئالیێن سیاسی یێن هەرێمێ دكەت
د دووماهی كۆمبوونا جڤاتا وەزیرێن هەرێما كوردستانێ دا، ب سەرپەرشتیا مەسرور بارزانی سەرۆكێ حوكمەتا هەرێمێ، پێشنیازا كۆمبوونەكا بەرفرهە بۆ ئالیێن سیاسی یێن هەرێما كوردستانێ هاتە كرن تاكو ڕاستیان سەبارەت پێگیریێن هەرێمێ ل دۆر ڕێككەفتنا د ناڤبەرا هەرێما كوردستانێ و بەغدا بهێنە بەرچاڤكرن، وەكو د بەیاننامەیەكا جڤاتا وزیران دا هاتی.
د بەیاننامەیا ناڤبری دا هاتیە: داخواز ژ ئالیێن سیاسی یێن سەرەكی یێن حوكمەتا ئیراقێ پێكئینای هاتە كرن شایستەیێن دارایی یێن هەرێمێ وەكو د خشتەیێ بودجەی دا هاتی، بهێنە مەزاختن و پێگیر بن ب نەخشەڕێكا وەزاری و ڕێككەفتنێن سیاسی یێن پێكئینانا حوكمەتێ و د وی چارچۆڤەی ژی دا، مامەلێ ل گەل ماف و شایستەیێن دارایی یێن هەرێما كوردستانێ بكەن.
