حوکمه‌تا هه‌رێما کوردستانێ دێ بەرهەمئینانا کارەبا گشتی زێدە كه‌ت
ئەڤرۆ نیوز :
وەزارەتا کارەبێ یا حوکمەتا هەرێما کوردستانێ راگه‌هاندیە: کو ل دوماهیا هەیڤا ئیلۆنا ئه‌ڤ ساله، دێ بۆ ده‌مێ سێ رۆژان كاره‌با نیشتیمانی ل سه‌رانسه‌ری هه‌رێما کوردستانێ هێته برین و لدووڤدا دێ دەمژمێرێن دانا كاره‌با گشتی زێده بن.
دیار بابان رێڤەبەرێ گشتی یێ بەرهەمئینانا کارەبێ ل وەزارەتا کارەبێ یا حوکمەتا هەرێمێ دایە دیارکرن: کو بریار بوو ل دەسپێکا هەیڤا بهێت بۆ دەمێ سێ رۆژان کارەبا نیشتیمانی ل سەرانسەری کوردستانێ بهێتە برین، داكو کۆمپانیا دانا غاز وێستگەهێن کارەبێ نووژه‌ن بکەت و دەمژمێرێن دانا كاره‌بێ ژی زێده بكه‌ت، لێ ژبه‌ر وه‌رزێ گه‌رمێ وەزارتا كاره‌با هەرێمێ ئه‌ڤ پرۆسه بۆ دوماهیا هەیڤا ئیلۆنێ پاشخستیە.
هەروەسا دیارکر ژی: کۆمپانیا دانا غاز ئامادەیا خوه ل سەر زێدەکرنا بەرهەمێ غازا سروشتی بۆ وێستگەهێن کارەبێ نیشان دایە و چاڤه‌رێ یه پشتی بجهئینانا پرۆسا ڤه‌ژاندن و نووژه‌نكرنا وێستگه‌هان، بۆ وه‌رزێ زڤستانا ئەڤسالە دێ دەمژمێرێن دانا کارەبا نیشتیمانی هێنه زێدە کرن.
