حوکمەتا تورکی پێشبینیێن دامەزراندنا دەولەتا کوردی گفتوگو دکەت
ئەڤرۆنیۆز، ئەیاد بەرواری
ل دووڤ بەلاڤکرنەکا سایتێ ( زەمان العربی) یێ تورکی، دەزگەھێن ئەمنی یێن تورکی کۆمبوونەک بۆ دانوستاندنێ ل سەر روودانێن ل ھەفتیا بۆری ل سەر سنۆرێ تورکیا ل گەل سووریێ رووداین ل دۆر پاشەرۆژا پێشڤەچوون و روودانێن دەڤەرێ.
سایتێ تورکی ئاماژە دایە وێ چەندێ، کو رۆژناما (حوریەت) یا تورکی پێزانین وەرگرتینە ل دۆر پشکداریا فەرماندێ لەشکرێ تورکی (نەژدەت ئوزال) و ھژمارەکا فەرماندێن لەشکری و سەرۆکێ ھەوالگیریا تورکی (خاقان فیدان) د وێ کۆمبوونێ دا کو تێدا ھاتیە گوتن ئەمریکا پشتەڤانیا حزبا ئێکەتیا دیموکراتی (پەیەدە) دکەت کو ب سەر پارتا کارکەرێن کوردستانێ (پەکەکە) یە ژ بۆ دامەزراندنا دەولەتا کوردی. پشکدارێن کۆمبوونێ ب پێدڤی ژی زانی پێرابون بھێنە وەرگرتن ژبۆ نەھێلانا چێکرنا (رێیا باکووری) کو ل بەرە بھێتە دروستکرن ب درێژیا سنۆرێ سووریێ ل گەل عیراقێ ھەتا تورکیا.
ل دووڤ سایتێ تورکی، چەندین ھەلسەنگاندێن دی د وێ کۆمبوونێ دا ل دووڤ پێزانینێن ھەوالگیری، ھاتنە کرن وەکو زێدەبوونا مەترسیا چوونا چەکدارێن پارتا کارکەرێن کوردستانێ (پەکەکە) کو پشتی تایێ لەشکریێ ئێکەتیا دیموکراتی (پەیەدە) کونترۆل ل سەر گرێ سپیێ کری، پێشبینیێن چوونا ھێزێن (پەکەکێ) بۆ ناڤ تورکیا ب رێیا سنۆری زێدەتر دبن.
سایتێ ناڤبری دبێژیت “ھەکە تایێ لەشکریێ ئێکەتیا دیموکراتی (پەیەدە) بەر ب عەفرینێ ڤە ( ل باکوورێ سووریێ) بچیت، دڤێت پێشبینیا وێ چەندێ بھێتە کرن ئەو کیانێ نوو دھێتە چێکرن ب پشتەڤانیا (پەکەکێ) بەر ب تورکیا ڤە ژی بچیت”.
