حوکمەتێ چو لیژنە بۆ چاکسازیێ نینن
ئەڤرۆ، قائید میرۆ:
ئەندامەکێ لیژنا نەزاھێ رەتکر، حوکمەتا ھەرێما کوردستانێ لیژنەک بۆ پڕۆسا چاکسازیێ پێک ئینابیت و ئاشکراکر، نابیت پەرلەمانتار ئەندامێ لیژنێن حوکمەتێ بن.
دکتۆر فرسەت سۆفی، ئەندامێ لیژنا نەزاھێ یا پەرلەمانێ کوردستانێ بۆ ئەڤرۆ نیۆز راگەھاند” ئەف زانیاریێن بەحسێ پێک ئینانا لیژنەیەکێ بۆ چاکسازیێ دھێنە بەلافکرن و راستی بۆنینە و نە حوکمەتێ چو لیژنە پێک ئیناینە و نە ئەزژی تێدا ئەندامم، چونکو ژلایێ قانوونی ڤە نابیت ئەندامێ چو لیژنەیەکا بجە ئینانێ بم.
سۆفی دیارکر، تنێ من و پەرلەمانتار گۆران ئازد راپۆرت پێشکەشی حوکمەتێ کریە و سەرۆکایەتیا جڤاتا وەزیرانژی ژبلی دەستخۆشیێ ب گرنگیڤە بەرچاڤ وەرگرتیە.
