حوکمەت دەرمانان دێ بۆ کەرتێن تایبەت و حکومی کریت
ئەڤرۆ نيوز:
ئەندامەکا پەرلەمانێ کوردستانێ ئاشکرا کر کو د پلانا حوکمەتا ھەرێما کوردستانێ دایە دەرمانان بۆ ھەر دو کەرتێن تایبەت و حکومی بکریت.
د.شرین حسنی، ئەنداما پەرلەمانێ کوردستانێ بۆ رۆژناما ئەڤرۆ دیار کر کو گەلەک نۆشدار بووینە بازرگان و ھەڤپشک ل گەل کۆمپانیێن دەرمانان و گەلەک دەرمانخانان دانپێدان ب ئەڤێ چەندێ کریە و گۆت: “وەزارەتا ساخلەمیێ ل سەر ئەڤێ روودانێ ھاتیە ئاگەھدارکرن و وەزیرێ ساخلەمیێ ژی سۆزدایە کو بھێتە چارەسەکرن”.
ناڤھاتیێ خویا کر کو ئەو کومبوونا وان ل گەل د. رێکەوت حەمە رەشید وەزیرێ ساخلەمیێ ئەنجامدایی تێدا بەحسێ دەرمانێن سەختە ل بازاری ھاتەکرن و وەزیرێ ناڤھاتی خویا کر کو حوکمەتا ھەرێما کوردستانێ پلان ھەیە ژ بەر کوالێتیێ و ئینانا دەرمانێن سەختە و کونترۆلکرنا بھایێ وان دەرمانان بۆ ھەر دو کەرتێن حکومی و تایبەت بکریت و بەلاڤ بکەت.