حوکمەت یا دو دلە د دانا مۆلەتا پێنج سالی دا بۆ فەرمانبەران
ئەڤرۆ:
نھۆ بڕیارا دانا مۆلەتا پێنج سالی کو ب خزمەت بۆ فەرمانبەران بھێتە ھەژمارتن راوەستایە، د ھژمارتنا سالێن خزمەتێ دا حوکمەت خوە ب زەرەرمەند دزانیت، لەورا ھێژ ڤەکۆلین یا ل سەر دھێتە کرن.
د. شرین حسنی، ئەنداما لیژنا دارایی ل پەرلەمانێ کوردستانێ بۆ ئەڤرۆ دیار کر، پشتی پرۆژێ ھژمارتنا سالێن خزمەتێ ژ دو سێ سالان بۆ پێنج سالان ژ بۆ حوکمەتێ ھاتیە ھنارتن، ھەتا نھۆ حوکمەتێ رازیبوون ل سەر پێنج سالان نەدایە و گۆت: “ل سەرۆکاتیا حوکمەتێ و وەزارەتا دارایی ڤەکۆلین یا ل سەر وی پرۆژەی دھێتە کرن، بەری بڕیار ل سەر بھێتە دان”.
ئاماژە ب وێ چەندێ ژی کر، پرۆژە د بەرژەوەندیا فەرمانبەران دایە، چونکو ئەوێ مۆلەتێ وەربگریت، دشێت ل کەرتێ تایبەت کار بکەت و ل کەرتێ حوکمی خزمەت دێ بۆ ھێتە ھژمارتن، حوکمەتێ ژی کێشە دێ د خانەنشینکرنێ دا ھەبیت، کو فەرمانبەر بۆ کار نەکەن و خزمەت بۆ بھێتە ھەژمارتن.
سەبارەت روونشتنا دۆھی یا ل سەر قانوونا نەفت و غازێ، شرین حسنی ئاشکرا کر، دو ماددە ھاتینە پەسەندکرن، لێ ماددێ سێیێ فراکسیوونێن ناڤ پەرلەمانی دیتنێن جودا ل سەر ھەبوون، لەو بۆ سۆبەھی ھاتە راگرتن.
