حەفتیا بھێت کومسیون دێ ناڤێن لایەنێن سیاسی بو ھەلبژاردنان وەرگریت
ئەڤرۆ نیوز ، ھلۆری:
کومسیونا بلندا سەربخوە و راپرسیێ یا ھەرێما کوردستانێ دیارکر کو ئەو درازینە کو ھەردوو ھەلبژاردنێن سەروکایەتیا ھەرێمێ و پەرلەمانی د وەختێ خوە دا ئەنجام بدەن و بو ڤێ مەرەمێ ژی حەفتیا بھێت دی َدەست ب نڤیسانا لایەنێن سیسای کەتن ئەڤێن کو دێ د ھەلبژاردنان دا پشکداربن.
دڤی واریدا شیروان زرار ئاخفتنکەرێ کومسیونا بلندا سەربخوە و راپرسیێ یا ھەرێما کوردستانێ د کونگرەیەکێ رۆژنامەڤانی دا دیارکر کو ئەوان وەکو کومیسیون پشتی ١٤ رۆژان لسەر بریارا سەرۆکێ ھەرێمێ بو ئەنجامدانا ھەلبژاردنێن سەرۆکاتیا ھەرێمێ و پەرلەمانی کومبوون و گۆت : ( پشتی دانوستاندنەکا زور گەھشتینە وێ بریارێ کو وەکو کومسیوون بەرھەڤین ھەردوو ھەلبژاردنان د وەختی َخوە دا ئەنجام بدەین ، بو ڤی َمەرەمێ ژی ھەموو پێرابوونێن قانونی و لوجستیکی دێ گرینەبەر)
زێدەتر گۆت: ( حەفتیا بھێت ژی دی َدەست ب وەرگرتنا ناڤێن وان لایەنێن سیاسی بین ئەڤێن کو دخوازن د ھەلبژاردنان دا پشکداربن ، و د ھەلبژاردنێن سەروکاتیا ھەرێمێ و پەرلەمانی دا دێ کەرکوک و ئەو دەڤەرێن رزگارکریێن سەر ب موسل ئەڤێن کو کورد پرانیا وان پێکدھێن دی َھێنەکرن)