حەفتیا بھێت ھژمارەکا زۆر یا وەزارەت و دەستەیان دێ مووچەی وەرگرن
ئەڤرۆ نيوز:
ژێدەرەکی ژ وەزارەتا دارایی و ئابووری یا حوکمەتا ھەرێما کوردستانێ ئاشکرا کر، نوکە وەزارەت یا بەرھەڤیان بۆ ڕاگەھاندنا خشتەکێ نوو یێ بەلاڤکرنا مووچێ فەرمانبەران دکەت و دبێژیت: ناڤێ ھژمارەکا زۆر یا وەزارەتان دێ دێ د وی خشتەی دا بیت.
وی ژێدەرێ وەزارەتا دارایی و ئابووری دیار ژی کر، ل دووڤ بەرھەڤێن وەزارەتێ کرین، رۆژا شەمبیا حەفتیا بھێت 30/7 خشتەکێ نوو یێ بلاڤکرنا مووچەی دێ ھێتە ڕاگەھاندن و بۆ باسنیوز گۆت: “ناڤێ ھژمارەکا بەرچاڤ یا وەزارەتان دێ ھێتە راگەھاندن، ل پێشیا ھەموو وەزارەتان ژی، مووچێ وەزارەتا پەروەردێ دێ ھێتە بەلاڤکرن”.
خویا ژی کر، ھەتا نوکە بەلاڤکرنا مووچێ فەرمانبەران یێ ھەیڤا خزیرانێ یێ وان وەزارەت و دامەزراوێن بەری نوکە ناڤێن وان ژ لایێ وەزارەتا دارایی ڤە ھاتینە ڕاگەھاندن یێ بەردەوامە و گۆت: “لەو ڤێ حەفتیێ چو خشتێن بەلاڤکرنا مووچەی ناھێنە ڕاگەھاندن”.