حەفت کوردان خوە بۆ پەرلەمانێ ئۆرۆپا بەربژار کرینە
هەلبژارتنێن پەرلەمانێ ئێکەتیا ئۆرۆپا دهێنە کرن، ل ٢٧ وەلاتێن ئێکەتیا ئۆرۆپا چەند هزار کەسان خوە بۆ ئەندامەتیا پەرلەمانی بەربژار کرینە، هەڤڕکی ل سەر ٧٢٠ کورسیان دهێنە کرن، ب هزاران وەلاتیێن کورد ل وەلاتێن ئۆرۆپا دژین و ژ بۆ هەلبژارتنێن ڤێجارێ ژی ٧ کوردان ل سێ وەلاتێن ئێکەتیا ئۆرۆپا خوە بۆ پەرلەمانی بەربژار کرینە.
٥ ژن و ٢ زەلامان ئانکۆ ب گشتی ٧ کوردان خوە بۆ پەرلەمانێ ئێکەتیا ئۆرۆپا بەربژار کرینە، هەلبژارتن ل رۆژێن ٦ هەتا ٩ ڤێ مەهێ دهێنە کرن و ل هەر ئێک ژ وەلاتێن دانیمارک، سوید و ئەلمانیا ٧ وەلاتیێن کورد خوە بەربژار کرینە.
چاڤدێرێن سیاسی ژی دیار دکەن، هەکە کوردێن ل ئۆرۆپا دەنگێ خوە بدەنە بەربژارێن کورد دێ شێن چەند کەسان رەوانەی پەرلەمانێ ئۆرۆپا بکەن، چووینا وەلاتیێن کورد وەکو پەرلەمانتار ل پەرلەمانێ ئۆرۆپا ژ بۆ کوردێن ل ئۆرۆپا و ب گشتی ژی ژ بۆ پرسا کوردی گەلەک گرنگە و دڤێت دەنگدەرێن کورد یێن ل ئۆرۆپا ڤێ راستیێ باش بزانن.
