حەفت گۆرێن ب کۆم ل دۆریانا حەردان دھێنە دیتن
ئەڤرۆ نیوز:
پەیڤدارێ وەزارەتا کاروبارێن شەھید و ئەنفالکریان ل ھەرێمێ بۆ ئەڤرۆ دیار کر کو حەفت گۆڕین ب کۆم یێن کوردێن ئێزدی ل دۆریانا حەردان ھەنە لێ ژبەر مەترسیا بۆمبان نەشیاینە ب کولن و گۆت “ھەردەمێ ھاتنە کولان دێ د رێورەسمەکێ تایبەت دا ھێنە ڤەگوھاستن و ل گۆڕستانا نشتیمانیێ یا دەڤەرا شنگالێ ھێنە ڤەشارتن.
فوئاد ئوسمان ئپەیڤدارێ وەزارەتا کاروبارێن شەھید و ئەنفالکریان ل ھەرێمێ دیار کر کو پێشبینی دھێتە کرن ژمارەکا زۆر وەلاتیان د ناڤ ڤان گۆرین ب کۆم دا ھاتبنە ڤەشارتن و گۆت “پشتی شنگال رزگاربووی ئەم پیشبینیێ دکەین کو گەلەک گۆڕێن دی بھێنە دیتن، لەورا ھەتا نوکە چ ژمارێن دروست نینن کا چەند وەلاتی د ڤان گۆرێن ب کۆم دا ھاتینە ڤەشارتن”.
فوئاد عوسمان گۆت ژی “د چەند رۆژێن بھێت دا لیژنا وەزارەتا شەھید و ئەنفالکریان دێ سەرەدانا قەزا شنگال کەت بۆ ڤەدیتن و دەستنیشانکرنا گۆرێن ب کۆم و ئەم داخوازێ ژ خەلکێ خوە دکەین دەستکاریێ د چ گۆرێن ب کۆم دا نەکەن ھەتا تێمێن بسپۆر دچن و ڤەدکەن”.
