حەیدەر عەبادی: پۆستی سوپا سالارێ عیراقێ نادەینە کوردان

ئەڤرۆ نیوز:
حەیدەر عەبادی سەرۆک وەزیرێن عیراقێ بۆ لیژنا بەرگریا پەرلەمانێ عیراقێ راگەھەند، کو ئەو مووچێ پێشمەرگەی نامەزێخیت و پۆستێ سوپا سالارێ عیراقێ و بریکارێ وەزارتا ناڤخۆیی ژی نادەتە کوردان.
شاخەوان عەبدولا بریکارێ لیژنا ئاساییش و بەرگریێ ل پەرلەمانێ عیراقێ راگەھاندن، کو د کۆمبوونا لیژنا وان د گەل عەبادی دا، وان سێ داخوازی ژێ کرن، ژ وان ژی وەکو نیازپاکی مووچێ 150 ھزار پێشمەرگان بھنێریت، زێدەباری دانا ھەردو پۆستێن سوپا سالارێ عیراقێ و بریکارێ وەزارتا ناڤخۆیی کو بەھرا کوردانن بۆ کوردان بھێنەدان، لێ عەبادی ھەر سێ داخوازی رەت کرن.
پۆستێ سوپا سالارێ عیراقێ ھەر ژ سالا 2003 وەرە ژ لایێ بابەکر زێباری ڤە دھاتە ب رێڤەبرن، و عەبادی ل سالا 2014 زێباری ژ وی پۆستەی لادا بوو، داخوازا مووچێن پێشمەرگەی ژی ئێک ژ وان بابەتان بوو کو شاندێ ھەرێما کوردستانآ یێ ب سەرۆکاتیا نێچیرڤان بارزانێ سەرۆک وەزیرێن ھەرێما کوردستانآ ل رێکەفتی 31/1/2016 ل بەغدا گەنگەشە ل سەر کربوو.

کۆمێنتا تە