خانه‌نشينێن نه‌قانوونى هه‌يڤانه 40 مليار ديناران وه‌ردگرن
ئه‌ڤرۆنيوز:
ئه‌ندامه‌كێ په‌رله‌مانێ كوردستانێ راگه‌هاند، ب گۆره‌ى پرۆژه قانوونا چاكسازيێ، خانه‌نشينين نه‌قانوونى هه‌يڤانه 40 مليار ديناران وه‌ردگرن، دياركر ژى كو پێدڤيه په‌رله‌مان وديوانا چاڤدێريا دارايى چاڤدێريا حوكمه‌تێ بكه‌ن دبجهئينانا پرۆژێ چاكسازيێ دا.
به‌هزاد زێبارى، ئه‌ندامێ په‌رله‌مانێ كوردستانێ ژ فراكسيۆنا ئێكگرتووى ئيسلامى، ئه‌ڤرۆ دوشه‌مبى 26/2/2018، دكۆنگره‌كێ رۆژنامه‌ڤانى دا ل په‌رله‌مانێ كوردستانێ ل هه‌ولێرێ گۆت” ئه‌و 40 مليار دينارێن هه‌يڤانه بۆ خانه‌نشينێن نه قانوونى دهێنه خه‌رجكرن، ژئه‌گه‌رێ پرۆژێ قانوونا چاكسازيێ دێ ڤه‌گه‌رنه‌ڤه ودێ هێنه دان بۆ خانه‌نشينێن راسته‌قينه وفعلى، ب تايبه‌ت وان كه‌سێن مووچێن وان ژ 400 هزار ديناران كێمتر”.
به‌هزادى دياركر ژى” كوژمێ 34 مليار دينارێن دى كو ل دووڤ پرۆژێ قانوونا چاكسازيێ دێ ژوان كه‌سێن زێده‌تر ژ ئێك مووچه‌ى وه‌ردگرن هێنه ڤه‌گه‌راندن بۆ حوكمه‌تێ”.
