خانیێ عەلی حەسەن مەجید ھاتە پەقاندن
ئەڤرۆ نیۆز، قائید میرۆ:
فڕۆکەیێن ھەڤپەیمانان بارەگایێ تیرۆرستێن داعش ل ناف خانیێ عەلی حەسەن مەجید پەقاند و ھژمارەک تیرۆرستان ھاتنە کوشتن.
غەیاس سورچی، کارگێڕێ مەلبەندێ ئێکەتی نیشتیمانی کوردستان ل نەینەوا بۆ ئەڤرۆ نیۆز راگەھاند: فڕۆکەیێن ھەڤپەیمانان ب ھووری مالا عەلی حەسەن مەجید یێ بەرنیاس ب عەلی کیمیایی ل گوندێ ئەبوسەیب سەر ب ناحیا حەمام عەلیل ل پارێزگەھا نەینەوا بوردۆمانکرن و خانیێ ئەڤی بەرپرسێ بەرێ یێ بەعسیا بتەمامی ھاتە پەقاندن.
سورچی گۆتژی: “ئەگەرێ پەقاندنا خانیێ عەلی حەسەن مەجید بۆڤێ چەندێ ڤەدگەڕیت تیرۆرستێن داعش کریە بارەگایێ خوە یێ سەرەکی و ب ئەگەرێ بوردۆمانێ ھەشت چەکدارێن داعش ھاتنە کوشتن و سێ ترۆمبێلژی ھاتنە سووتن”.