خشتێ دانا كاره‌با مواليدان بۆ هه‌يڤا 4 “نيسانێ” هاته راگه‌هاندن
سەرۆکێ لیژنا سۆتەمەنی و پیشەسازی ل ئەنجومەنێ پارێزگەھا دھۆکێ دیار کر کو لیژنا موەلیدان ل دھۆکێ دوھی 28/3/2016 دەمژمێر (11) ل دۆر رەوشا بەردانا کارەبان موەلیدان و بھایێ ھەیڤا سێ کۆم بوو و بریار ھاتە دان کو کارەبا موەلیدان وەکو بەری نوکە بۆ وەلاتیان بەردەن، ھەروەسا بھایێ ئەمپێری بۆ ھەیڤا ئادارێ ھاتە دیارکرن.
عەدولسەمەد تێلی کۆچەر سەرۆکێ لیژنا سۆتەمەنی و پیشەسازی ل ئەنجومەنێ پارێزگەھا دھۆکێ بۆ رۆژناما ئەڤرۆ دیار کر کو ژ بەر داخوازی و گازندێن خەلکی، ھەروەسا ژ بەر گەلەک مال و مارکێت و جھێن بازرگانی د ناڤ ئێک دانە، لیژنا موەلیدان ل دھۆکێ دوھی د کۆمبوونا خوە دا بریا دا کو کارەبا موەلیدان وەکو بەرێ بۆ وەلاتیان بھێتە بەردان، ئانکو ژ دەمژمێر (7)ی سپێدێ ھەتا (2)ی شەڤێ.
ھەروەسا د کۆمبوونێ دا بھایێ ئەمپێرێ کارەبێ بۆ ڤێ ھەیڤێ (ئادارێ) 7500 حەفت ھزار پێنجسەد دینار ھاتنە دیارکرن.
