خشتێ مووچێ هه‌موو وه‌زاره‌تان هاته راگه‌هاندن
ئه‌ڤرۆ نيوز:
ئه‌ڤرۆ نيوز ژڤانێ به‌لاڤكرنا مووچێ هه‌موو ئه‌و جهێن هێشتا مووچێ هه‌يڤا ئيلۆنێ وه‌رنه‌گرتى به‌لاڤ دكه‌ت.
ب گۆره‌يى ژێده‌ره‌كى كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ ب ده‌ست ئه‌ڤرۆ نيوز كه‌فتيه، به‌لاڤكرنا مووچێ وه‌زاره‌ت و ده‌سته‌يێن مايێن دێ ب ڤى ره‌نگێ ل خوارێ دياركرى بيت:
ئه‌ڤرۆ رۆژا دوشه‌مبى رێكه‌فتى17ى كانوونا ئێكێ 2018 دێ مووچێ وه‌زاره‌تێن سامانێن سرۆشتى، ئه‌وقاف و كاروبارێن ئاينى، ناڤخۆ و رێڤه‌به‌ريا گشتى يا ره‌گه‌زنامێ هێته به‌لاڤكرن.
سوبه‌هى رۆژا سێشه‌مبى 18ى كانوونا ئێكێ 2018 دێ مووچێ وه‌زاره‌تا زێره‌ڤانى و به‌رگرى و فرياكه‌وتن و ده‌زگه‌هێ ئاسايشێ و جڤاتا ئاسايشێ.
رۆژا چارشه‌مبى رێكه‌فتى 19ى كانوونا دويێ 2018ێ دێ مووچێ هه‌ر ئێك ژ وه‌زاره‌تێن باژێرڤانى، پلاندانان، ڤه‌گوهاستن، چاندن كاره‌ب و ده‌سته‌يێن مافێ مرۆڤ، ديوانا چاڤدێريا دارايى، ده‌سته‌يا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ، ژينگه‌هـ، وه‌به‌رهێنان، ده‌ستپاكى، كۆمسيۆن و ده‌زگه‌هێ مين هێنه به‌لاڤكرن.
رۆژا پێنجشه‌مبى رێكه‌فتى 20ى كانوونا ئێكێ 2018 دێ مووچێ وه‌زاره‌تێن ئاڤه‌دانكرن، ره‌وشه‌نبيرى، بازرگانى و هه‌رسێ سه‌رۆكاتيێن هه‌رێمێ هێته به‌لاڤكرن.
رۆژا ئێكشه‌مبى 22ى كانوونا ئێكێ 2018 دێ مووچێ خانه‌نشينێن له‌شكرى هێته به‌لاڤكرن و پاشان ژى 23ى كانوونا ئێكێ 2018 دێ مووچێ خانه‌نشينێن مه‌ده‌نى هێته به‌لاڤكرن.
