خه‌لكێ شنگال هنده‌ك لایه‌ن و حزب سزادان
دهۆك، له‌زگین:
نوونه‌را ئێزدیان ل جڤاتا پارێزگه‌ها دهۆكێ دیار كر، خه‌لكێ شنگال ئه‌و لایه‌ن سزا دان یێن خواستن شنگال ژ لالشا نورانی دوور بكه‌ن و خه‌لكێ شنگال به‌رسفا نه‌حه‌زێن پارتی دا. هه‌روه‌سا خه‌لكێ شنگال بریارا خو دان كو شنگال كوردستانی یه و پێدڤیه جڤاكێ نیڤده‌وله‌تی و به‌غدا بهێنه سه‌ر خه‌ت و پشته‌ڤانیا بریارا خه‌لكێ شنگال بكه‌ن”.
بێریڤان سه‌لیم شه‌مۆ، جێگرا سه‌رۆكێ جڤاتا پارێزگه‌ها دهۆكێ و نوونه‌را ئێزدیان ل جڤاتا دهوكێ بۆ ئه‌ڤرۆ گۆت: “خه‌لكێ شنگال ئه‌و لایه‌ن سزا دان یێن خواستن شنگالێ ژ لالشا نورانی دوور بكه‌ن، چو جاران شنگال ژ كوردستانێ دوور نابیت، چونكو شنگالێ پێكڤه گرێدانه‌كا روحی دگه‌ل كوردستانێ هه‌یه، خه‌لكێ شنگالێ دیتن ب تنێ پارتی خه‌مخوری ئێزدیانه و پشته‌ڤانی و هه‌ڤكاریا ئێزدیان دكه‌ت.
زێده‌تر گۆت: پارتی سوزێن خۆ به‌رامبه‌ر ئێزدیان بجه دئینت و خه‌لكێ شنگال دیتن لایه‌نێن نه‌یاسایی دناڤ شنگالێ دا چو خزمه‌تێ ناكه‌ن، ب تنێ ئالوزیان ل شنگال دروست دكه‌ن، له‌ورا خه‌لكێ شنگال ب رێیا ده‌نگدانێ ئه‌و لایه‌نێن نه‌یاسایێ هه‌موو سزادان و گۆتنێ مه هوون نه‌ڤێن”.
بێریڤان سه‌لیم شه‌مۆ، گۆت: “خه‌لكێ شنگال بریارا خوه دان كو شنگال كوردستانی یه و پێدڤیه جڤاكێ نیڤده‌وله‌تی و به‌غدا بهێنه سه‌ر خه‌ت پشته‌ڤانیا بریارا خه‌لكێ شنگال بكه‌ن و لایه‌نێن نه شه‌رعی دناڤ شنگال دا ده‌ربێخن و كار بهێته كرن بۆ بجهئینانا رێكه‌فتنا دناڤبه‌را حكومه‌تا هه‌رێما كوردستانێ و عێراقی دا ئه‌ڤه دێ پتر خزمه‌تا شنگال كه‌ت، ئه‌ڤه چه‌ند سالن گرۆپێن نه‌یاسایێ شنگال ئێخستینه بن كونترولا خۆدا و ره‌وشا خه‌لكێ شنگال ئالوز دكه‌ن، خه‌لكێ شنگال گه‌هشتنه وێ قه‌ناعه‌تی گرۆپێن نه‌یاسایێ نه‌شێن ئاڤه‌دانیێ ل شنگال بكه‌ن، له‌ورا ئه‌و لایه‌ن سزادان دا كو شنگال بهێته ئاڤه‌دانكرن و ئاواره ڤه‌گه‌رن”.
بێریڤان سه‌لیم شه‌مۆ، گۆت: “هه‌ر ده‌مێ پارتی چو شنگال دێ خه‌لك ڤه‌گه‌رن، له‌ورا خه‌لكێ شنگال ده‌نگێ خۆ دانه پارتی رێز ل به‌رهه‌مێ خوینا شه‌هیدان گرتن هه‌روه‌سا خه‌لكێ شنگال گه‌هشتنه وێ قه‌ناعه‌تێ ب تنێ پارتی به‌رنامێ خزمه‌تكرنا خه‌لكێ شنگال هه‌یه و دێ هه‌موو جۆرێن خزمه‌تان پێشكێشی خه‌لكێ شنگال كه‌ت، له‌ورا ژی خه‌لكێ شنگال به‌رهه‌مێ خوینا شه‌هێدێن كوردستانێ یێن شه‌رێ دژی تیرۆرستێن داعش دا، ده‌مێ ئازادكرنا شنگال ژبیر نه‌كرن و ده‌نگ ب لیستا خه‌بات و ئاڤه‌دانی دا لیستا پارتی دان، چونكو خه‌لكێ شنگال گه‌هشتنیه وێ قه‌ناعه‌تی شنگال بێ پارتی خۆش نابیت و گرۆپێن نه‌یاسایی نه‌بوو خزمه‌تكرنا شنگال هاتینه ناڤ شنگالێ دا”.
