خه‌ميس خه‌نجه‌ر:مه كۆمبوونێن ئه‌رێنى ل گه‌ل كوردان ئه‌نجامداينه
ئه‌ڤرۆنيوز:
خميس خه‌نجه‌ر، سه‌ركردێ ديار يێ هه‌ڤپه‌يمانيا ميحوه‌رێ نيشتمانى كو ژ چه‌ندين ليستێن سونى پێك دهێت، ئه‌ڤرۆ ئه‌ينيێ 31/8/2018 راگه‌هاند ميحوه‌رێ نيشتمانى دێ ل گه‌ل هه‌ردو حزبێن سه‌ره‌كى ل هه‌رێما كوردستانێ به‌ر ب هه‌ڤپه‌يمانيه‌كا مه‌زن ڤه چن.
خه‌ميس خه‌نجه‌ر ل سه‌ر توۆرا جڤاكى يا تويته‌رى به‌لاڤكر” مه كۆمبوونه‌كا راشكاوانه ل گه‌ل كوردان ئه‌نجامدايه ژبۆ دارێشتنا پاشه‌رۆژه‌كا باشتر بۆ عيراقێ”.
گۆت ژى” مه بريار دايه كو پێكڤه به‌ر ب هه‌ڤپه‌يمانيه‌كا نيشتمانى يا مه‌زن ڤه بچين كو هه‌موو هێزێن باوه‌رى ب سوباهيه‌كا باشتر هه‌بيت بخوه‌ڤه دگريت”.
دياركر ژى” دێ دوورى هه‌موو مايتێكرنين ده‌ره‌كى بين ئه‌وێن پشتى سالا 2003 عيراق ژناڤبرى”.
