خواندنا بلند دانپێدان ب شاشيا خوه كر ل هه‌مبه‌ر پارێزگه‌ها دهۆك
ئه‌ڤرۆ نيوز:
د رونكرنه‌كێ دا زانكۆيا دهۆك دياركريه كو دێ پێداچوون د ئەنجامێن ڕێزبەندیا زانکویێن هەرێمێ دا هێته كرن، ئه‌ڤه ده‌قێ وێ يه.
بو هەمى مامۆستا و قوتابى و فەرمانبەرێن مە يێن خوشتڤى و قەدرگران و خەلکێ دهوکا ڕەنگین و خۆراگر، وەزارەتێ و ب نڤێسارەکا فەرمى دانپێدان ب هەبوونا شاشییێ بەرامبەر زانکۆیا دهۆک کر. هەروەك سەروكاتيا زانكويا دهوك سوز دابوو ماموستا و قوتابى و فه رمانبەرێن خو يێن خوشتڤى كو ديفچوونێ بو ئەنجامێن رێزبەنديێ بكەت و ئەنجامێن وێ بو خەلكئ خو بدەتە راگەهاندن، ليژنەكا تايبەت بو هەلسەنگاندنا ئەنجامێن رێزبەنديێ هاته چێكرن و د ئەنجامدا ديار بو كو رێژەكا زور ژ داتايێن زانكويا دهوك ژبەر چەند ئەگەرێن فەنى و تەكنيكى نه هاتبوونه داخل كرن و بو ئەگەرێ وێ شاشيێ د رێزبەنديێ دا. هەژی گوتنێیە، کو وەزیرێ خواندنا بلند سەرەدەرییەکا ئەکادیمى و ئەرێنى بو تێبینیێن زانکۆیا دهۆک ل سەر ئەوێ ڕێزبەندییێ هەبوو. ئەم ژى وەک زانکۆیا دهۆک دەستخوشی وسوپاسییا جەنابێ وەزیرێ خواندنا بلند و ڤەکۆلینێن زانستى بەرامبەر خەمخۆرییا وى دکەین.
زانکۆیا دهۆک ستێرەکا گەش و ڕوهنە د ئەسمانێ کوردستانێ دا و جهێ هزارەها بسپۆر و خودان شیان و مروڤێن ئەکادمینه کو ئەڤروکە ل هەمى دام و دەزگەهێن وەلاتى ول هەمى تەخ و چینێن چڤاکى ڕولەکێ بەرچاڤ هەنە و دبینن.
