خودانێن ئالایێ سپی کینە و وان چو ئارمانج هەیە
ئەڤرۆ نیۆز،زنار تۆڤی:
ل حەوزا حه‌مرین گرووپەکێ دی یێن چه‌كدارێن نه‌ناسیار ده‌ركه‌فتینە و خۆ وەک هێزا ئاڵا سپی ناساندیە، هەتا نوکە ئامانجا وان یا روون نینه،هەتا مه‌ترسیێن وان بهێنە دیارکرن.
دروشمێ وان ئالایەکێ سپی یێ مەزنە و ل نیڤەکا وی سەرێ شێرەکێ ل سەرە،جهێ وان ده‌ركه‌فتنا وان حه‌وزا حه‌مرینیە،کو خه‌لکێ وان دەڤەران ب تایبه‌ت گوندێن ده‌وروبه‌رێن خورماتوو له پارێزگەها سه‌لاحه‌دین و پارێزگەها كه‌ركووكێ و گه‌رمیان چه‌كداراێن ڤی گرووپی دیتینه.
ئه‌ڤ گرووپێ چه‌كداری کو هندەک ب چه‌كدار و پاشماوێن داعشێ ددەنە نیاسین،کو زمان كورد و عه‌ره‌ب تێدا هەنە،ب تایبه‌ت پشتی روودانێن 16 ئۆكتۆبه‌رێ زێدەتر ده‌ركه‌فتینە.
هەتا نوکە چه‌كدارێن ڤی گرووپی ب فه‌رمى خۆ نە ناساندیە و ڤی باریدا ب فه‌رمى تشتەک نەهاتیە گوتن،هەتا بهێتە زانین کو چەکدارێن ڤی گرووپی كینە و هزر و ئارمانجا وان چییه،لێ ئەو یێ بەرهەڤیان بۆ کریارەکێ دکەن.
نه‌جات حسێن قائیمقامێ خورماتوو گوتیە،ئه‌و گرووپەکێ توندرە‌ون و پتریا وان كوردن، پێشتر ل دژى ده‌ستهەلاتدارێن كوردستانێ راوەستیابوون و ل ناڤا رێزێن داعشێ دابوون و پشتی شكەستنا داعشێ رەڤینە و ماینە ل حه‌وزا چیایێ حه‌مرینی.
ژێدەرەکێ دی گوتیە ئه‌ڤ گرووپێ چه‌كداری نە داعشن و کەڤنە به‌عسینە، ئەڤ چەکدارە حزبا به‌عسی یا هه‌لوه‌شیاینه و هه‌ول ددەن جارەکادی کۆم ڤە ببن و ب نهێنى بهێنە حه‌وزا حه‌مرینی،هندەک ژی دبێژن ئەو چەکدار هەموو یێن ئەنسارول ئیسلامن.
ریاز عه‌لى شاره‌زایەکێ وارێ بواری ته‌ناهیێ یە دبێژیت،ئەڤ گرووپه پشتی 16 ئۆكتۆبه‌رێ ده‌ركەفتیە، تا نوکە حوکمه‌تا عێراقێ و ئه‌مریكیا هیچ چالاكیەک ل دژی ڤی گرووپی ئه‌نجام نه‌دایه،لەورا نهێنیه‌ك ل پشت سه‌رهلدانا ڤی گرووپی هه‌یە،ئەمریکا ژی هۆشداری ژ سەرهلدانا ڤی گرووپی دایە حوکمەتا عێراقێ.
هەروەسا ل دووڤ زانیاریێن دەستپێکی، هژمارا چەکدارێن ڤی گرووپی نێزیكی دو هزار چەکدارانە.
