خو کوژەکێ ب گورێ خومەینی ڤە خوە پەقاند و ل پەرلەمانێ ژی شەرە
ئەڤرو نیوز ، ھلوری:
سپێدەیا ئەڤرو ل کومارا ئیسلامیا ئیرانێ چەند کەسەکان ھێرش کرە سەر گورێ ئیمام خومەینی و کەسەکێ ژ وان ژی خوە بگوری ڤە پەقاند ، ژلایەکێ دنڤە ھێرشەکا بەفرە بو سەر پەرلەمانێ ئیرانێ ژی ھاتیەکرن.
دڤی واریدا راگەھاندنێن جیھانی بەلاڤکریە کو ھێرشا چەکداری یا بو سەر گورێ خومەینی ژ سێ کەسان پێکدھاتن و ل گورەی زانیاریێن ھاتینە بەلاڤکرن ئێک ژ وان چەکداران خوە ب گورێ ئیمام خومەینی پەقاند و ھژمارەکا کەسان ھاتینە کوشتن و بریندارکرن.
زێدەتر ھاتیە کوک ومارا ئیسلامیا ئیرانێ ھەموو ویسَتگەھێن شەمەندەفرێ ل نێزیک گورێ خومەینی دائێخستینە و ھێزەکا زور ل دەڤەرێ بەلاڤکریە ، بەلی َھەتا نھا ناسناما ھێرشکەران نەھاتیە ئاشکراکرن.
ژلایەکێ دنڤە راگەھاندنێن جیھانێ بەلاڤکریە کو ھەر ئەڤرو سپێدێ ھێرشەکا دن یا چەکداری بو سەر پەرلەمانێ ئێرانێ ھاتیەکرن و د ئەنجام دا زێرەڤانەک ھاتیە کوشتن و ھەتا نھا ژی ئەو ھێرش یا بەردەوامە و پولیسێن ئیرانێ مژولێ کونترولکرنا بارودوخی نە.
