خۆنيشادانان ل ئسرائيل ژى ده‌سپێكرن
ئه‌ڤرۆ نيوز:
ب ده‌هان هزار كه‌س دژى سه‌رۆك وه‌زيرێن خوه يێ ده‌م ب سه‌ر ڤه چوويى، بنيامێن نه‌ته‌نياهۆ، رژيانه سه‌ر جادا و داخوازا گوهۆڕينێن سياسى ژى كێرى ب به‌رى ده‌مه‌كێ كێم ژ ده‌سپێكرنا هه‌لبژاتنێن گشتى يێن ئسرائيل يێن بهێت ل 17 ڤێ هه‌يڤێ.
رێكخراوا “مليۆن ده‌ست” يا نه‌يا حكۆمى ب ڤى كارى رابوويه و ب گۆره‌يى وێ رێكخراوێ نێزيكى 50 هزار كه‌سان ل گۆره‌پانا ئيسحاق كۆمكرينه ل ناڤه‌ندا تل ئه‌بيب، ژ لايێ خوه ڤه پۆليسێن ئسرائيل راگه‌هاند كو 25 هزار كه‌سان پشكدارى يا تێدا كرى.
ئاژانسا فرانس پرێس ژ ئێك ژ رێكخه‌رێن ڤێ رێكخراوێ به‌لاڤكريه كو ئه‌و ل وێرێ ئاماده‌بووينه و داخوازا گوهۆڕينا سياسه‌تێ دكه‌ن دا كو ئاشتى بهێته پێش، سه‌ركرداتيا سياسى يا نوكه شكه‌ستن د وارێ ئابوورى و جڤاكى دا يا ئينايى و چو نيشان نينن كو دێ ره‌وشا ئه‌منى ژى يا ئارام بيت.
ته‌كست ژى كر كو چو پارتيێن ئۆپۆزسيۆن د ناڤا ڤێ خۆنيشادانێ دا پشكدارى نه‌كريه و داخوازا رێكه‌فتناما ئاشتيێ د ناڤبه‌را وه‌لاتێ خوه و فه‌لستينێ دا كر و چاره‌ك بۆ هه‌ردو ده‌وله‌تان بهێته ديتن.
ژ لايێ خوه ڤه سه‌رۆكێ موسادا به‌رێ”ده‌زگه‌هيێ هه‌والگه‌ريا ئسرائيل” مئير داگان هێرش كره سه‌ر سياسه‌تا نه‌ته‌نياهۆيێ سه‌رۆكێ پارتا ليكود يا چه‌پ، ئاشكه‌را ژى كر كو ئسرائيل دوژمن يێن هه‌ين، به‌لێ هندێ ژێ ناترسيت هندى سه‌ركرداتيا نوكه وى د ترسينيت.
د ناڤ ڤان خۆنيشادانان دا گه‌له‌ك دوريشمێن ده‌ربڕين ژ “نه‌ته‌نياهۆ هه‌ره” دكرن هاتبوونه بلند كرن و ب ده‌ڤ ژى دگۆتن.
