خۆنیشاندان ل ئیرانێ بەرفرەه دبن و هێزێن ئێمناهیێ روو ب روو خۆنیشاندەران دبن
ئەڤرۆ نیۆز ،زنار تۆڤی:
ل رۆژا پێنجشەمبی 28 كانوونا ئێکێ، خۆنیشاندانان باژێر و دەڤەرێن جۆدا یێن كۆمارا ئیسلامی یا ئیرانێ گرتینە، هێزێن ئێمناهیا وی وەلاتی ب توندی روو ب روو خۆنیشاندەران بووینە، خۆنیشاندەران داخوازا روو ب رووبوونا گەندەلیێ دكەن و ل دەستپێکێ ل شارێ مەشهەدێ رۆژهەڵاتێ وی وەلاتی خۆنیشاندان دەست پێ كرینە و بۆ شارێن دیتر هاتیە ڤەگۆهاستن،حوکمەتا ئەمریكا ژی سەركۆنەیا گرتن و روو ب رووبوونا خۆنیشاندەران دکەت ژلایێ هێزێن ئێمناهیێ یێن وی وەلاتی.
دوهی ئەینیێ خۆنیشاندانەكان ل زۆربەیا شار و دەڤەران دەست پێ كریە و ل تەهرانا پایتەخت و كرمانشان و ئەهواز و ئەسفەهان و رشت و زاهیدان و چەندین شارێن دیتر، خەلک رژیانە سەر شەقامان و دەست ب نەرازیبوونێ و خۆنیشاندانان كر.
هێزەر ناوێرت ئاخفتنکەرا ب ناڤێ وەزارەتا دەرڤە یا ئەمریكا ئاشكرا كر، سەركردێن ئیرانێ، وەلاتەکێ پێشكەفتی و خودان مێژوو و شارستانی یێ مەزن بۆ دەولەتەکا پر ژ توندوتیژیێ و خوێنرێژیێ و ئاڵۆزیێ گوهۆریە، واشنتن ب توندی سەركۆنەیا گرتنا خۆنیشاندەران دکەت كو ب شێوەیەكێ ئاشتی نەرازیبوونا خۆ دەردەبرن، داخواز ژ لە وەلاتێن دونیایێ دكەین،کو پشتەڤانیا راستەوخۆ ل گەلێ ئیرانێ بكەن و رێزێ ل داخوازیێن وان یێن رەوا بگرن ژ ریشەكێشكرنا گەندەلیێ.
میدیایێن ئیرانێ بەلاڤکرینە،کو دوهی ئەینیێ ل گۆرەپانەکا پایتەختێ تەهرانێ هژمارەکا خۆنیشاندەران هاتینە گرتن،ل وی دەمیێ ئامادە نەبوون کو وێ گۆرەپانێ چۆل بكەن و رژد بوون ل سەر ئەنجامدانا خۆنیشاندانان ل تەهرانێ، هەڤدەم ل شارێ مەشهەد ژی هێزێن تەناهییێ 52 كەس گرتینە، د ناڤا خۆنیشاندەران دروشمێ مرن بۆ رووحانی و مرن بۆ دكتاتۆریێ هاتینە بلندکرن.
