خەبات زاخۆیی بەرهەمەکێ نوو بەلاڤکر
زاخۆ، دلۆڤان هالۆ:
هونەرمەندێ گەنج یێ ئیدارەیا سەربخوە یا زاخۆ خەبات زاخۆیی د دیدارەکێ دا بۆ ڕۆژناما ئەڤرۆ دیارکر کو پشتی بوورینا سێ سالان ل سەر بێ دەنگیا کارێن هونەری من سترانا بناڤێ چاوا هاتم بیرا تە بەلاڤکر.
ناڤهاتی ئاماژە ب وێ چەندێ ژی کر کو ئەڤ سترانە ژ پەیڤێن ئەحمەد زیزۆیە و ژ ئاوازا هەڤال ڕێبەرە، دابەشکرنا مۆزیکێ ژ لایێ محەمەد مۆزیك هاتیە کرن، ل ستۆدیوا کانیا هونەری ل زاخۆ هاتیە تۆمارکرن، و هیڤیدارم ئەڤ سترانە ب دلێ گۆهداران بیت.
خەبات زاخۆیی گۆت:»هونەر ل دەف من هەستەکێ خوەشە چونکی حەز و ئارەزوویا من یا زاڕۆکایەتیێ بوویە، و ئەز حەز ژ هەمێ شێوەیێن سترانان دکەم، و حەز ژ هەموو هونەرمەندێن کورد دکەم ب تایبەت هونەرمەندێ نەمر عەبدولواحد زاخۆیی».
گۆت ژی گۆت:»هەر ل ژیێ زاڕۆکاتیا خوە حەزا من ل سەر کارێ هونەری و ستران گۆتنێ هەبوو، ل سالا 1999 من دەست ب کارێ هونەری کرییە، و من سێ ئەلبۆمێن سترانان و 15 کلیپ هەنە، و ئەز ب سترانا ئەز خەریبم دایێ بەرنیاس بوویمە».
