خەلاتێن شەشەمین فلمە فیستەڤالا دهۆک یا نێڤدەولەتی هاتنە دابەشکرن

ئەڤرۆ نیوز ، زنار تۆڤی:

ئەڤرۆ ئێکشەمبی 27.10.2018 شەشەمین فلمە فیستەڤالا دهۆک یا نێڤدەولەتی، کو بۆ ماوێ هەشت رۆژان یا بەردەوامبوو، دووماهی ب کارێن خوە ئینان، پشتی کو چەندین فلمێن جۆدا هاتینە نیشاندان و هەروەسا خەلاتێن فیستەڤالێ دابەشکرن، ل دەستپێکێ هندەک پەیڤ هاتنە خواندن و پاش هندەک پاڕچە مۆزیک هاتنە ژەنین.

لدووڤدا رێورەسمێن ب دووماهی هاتنا شەشەمین فلمه فێستیڤالا دهۆک یا نێڤدەولەتی ب بەرهەڤبوونا خەلکەکەکێ زۆر و هەروەسا ئەکتەر و سینەماکاران ب برێڤەچوو، ل دووماهیا ژی خەلات هاتنە دابەشکرن و ب ڤی رەنگی بوون.
.خەلاتێ پارێزگەها دهۆکێ هاتەدان، بۆ محەمەد جانۆ و محەمەد محسین ئامێدی.

. خەلاتی یەلماز گۆنای، وەک رێزلێنان هاتە دان بۆ مامۆستا زیرەک.
.خەلاتێ بەلگێ مێوا زیڤی، هاتە دان بۆ فلمێ بی شەش یێ دەرهێنەر عەلی رەزایی.
. خەلاتێ بەلگا مێوا زێری، هاتەدان بۆ باشترین کورتە فلمێ کوردی پانتۆر یێ دەرهێنەر تەحیسن ئوزمان.
. خەلاتێ بەلگێ مێوا زێڕین، هاتەدان بۆ باشترین بەلگە فلمێ کوردی یێ مین هەڵگر ، یێ دەرهێنەر هۆگر هروری.
. خەلاتێ لیژنا کورتە فیلمێن نێڤدەولەتی، هاتەدان بۆ دەرهێنەر عەلی رەزایی د فلمێ بی شەش.
. خەلاتێ باشترین دۆکیۆمێنتاریێ بیانی، بۆ فلمێ گیم گیرلس هاتەدان.
.خەلاتێ رەخنەگریێ، بۆ فلمی ناڤبەر هاتەدان.
. خەلاتێ رێزلینانێ، ب ئەکتەرێ کورد ئەحمەد زیرەک هاتەدان.
.خەلتێ پارێزگەها دهۆکێ، بۆ هەردو فلمێن ( قەهرەمانێ چەرخی و فلمێ قوربان)، هاتنەدان.
. خەلاتێ باشترین ئەکتەرێ کورد، ب فەیاز دوومان هاتەدان.
. خەلاتێ باشترین ئەکتەرا کچ، ب شوکران هاتەدان.
. خەلاتێ باشترین سیناریۆ، بۆ فیلمی ژینا بێ ژیان هاتنەدان.
. خەلاتێ باشترین دەرهێنەرێ کورد، ب محەمەد عەلی کونار هاتەدان
.خەلاتێ باشترین فلمی درێژ یێ کوردی، ب فلمێ زاگرۆس، یێ دەرهێنەر سەهیم عومەر خەلیفە هاتەدان.

ل دووماهیا رێورەسمان پارێزگارێ دهۆکێ وەکو سەرۆکێ شەشەمین فلمە فیستەڤالا دهۆک یا نێڤدەولەتی پەیڤا ب دووماهتنا فیستەڤالێ خواند و گۆت، فیستەڤالا دهۆکێ دێ یا بەردەوامبیت و ل سالێن بهێت دێ پتر گرنگیێ ب فیستەڤالێ دەین و دیسا دێ ل دەمێ خوە هێتە ئەنجامدان.

کۆمێنتا تە