خەلكێ دهۆكێ بەرهەمێن باش و ساخلەم دنیاسن
سندس سالح سلێڤانەیی
حەمید مفاخری، كو خەلكێ باژێرێ (سنە) یە و ئێك ژ پشكدارین فێستیڤالا چارێ یا بازاڕگەڕییا وەلاتێ (مسرێ) بوو، ئەوا ل حەفتیا بۆری ل دهۆكێ ب دووماهی هاتی، د دیدارەكێ دا بۆ رۆژنامەیا ئەڤرۆ گۆت: هەرچەندە ئەڤە جارا ئێكێ بوو من پشكداری دڤێ فێستیڤالێ دا كری، لێ نابیتە جارا دووماهیێ ژی و ل سالێن بهێن ژی دێ پشكداربم.
ناڤهاتی گۆت: من هندەك جۆرێن خوارنێن سڤك وەك (قەیسی) ل گەل خۆ ئینان بوو، كو هەموو خۆمالی نە و ل باژێرێ مە دهێتە چێكرن، ئەو ژی هەموو ژ فێقیێ سروشتی نە و شەكر دناڤدا ننینە، لەورا هەر كەسەكێ بخۆت زیانێ ناگەهینتە ساخلەمیا وی و من دیت خەلكەكی حەزژێكر و فرۆتنا وان یا باش بوو، لەورا من ل بەرە بۆ سالێن بهێت باشتر بەرهەڤیا خۆ بكەم و هێشتا زێدەتر بەرهەمێن خۆمالی ل گەل خۆ بینم و سوپاسیا خەلكێ دهۆكێ دكەم كو گەلەك رێزێ ل مە و بەرهەمێن مە یێن خۆمالی دگرن و یۆ من دیاربوو ئەو بەرهەمێن باش و ساخلەم دنیاسن.