خەلکێ مووسل یێ ژ باژێری دەردکەڤیت
ئەڤرۆ:
عەمید مازن زەنون ژ پۆلیسێن پارێزگەھا نەینەوا راگەھاند کو ل ڤان دو رۆژێن بۆری ب دەھان خێزانێن ئاکنجیێن مووسل دەست ب چوولکرنا باژێرێ مووسل کریە و بەر ب رەقە وەلاتێ سووریێ چووینە و گۆت: “وەلاتی دترسن فرۆکێن ھەڤپەیمانان ژ نیشکەکێ ڤە ھێرشێ بکەنە سەر چەکدارێن داعش یێن د ناڤ باژێری دا”.
ناڤھاتی بۆ ئاژانسا ئەنادول خویا ژی کر پشتی داعش دەست ب خەندەکا مووسل کری و خەلکی ھێرشێن فرۆکان دیتین، بۆ وان رۆھن بوویە کو شەڕێ مووسل دێ گەلەک ڤەکێشیت و دێ یێ ب قوربانی بیت، ڤان مەترسیان کارتێکرنا ل خەلکی کری کو باژێرێ خوە چوول بکەن و گۆت: “داعش گەلەک ب ھووری چاڤدێریا خەلکی دکەت و گومان ل ھەر کەسەکی ھەبیت، ئێکسەر گوللەباران دکەن”.
