خەمیس خەنجەر: دەنگدانا خەلكێ كوردستانێ ب پارتی بەلگەیە ل سەر باوەرییا جادەییا كوردی ب رێبازا وێ
سەرۆكێ هەڤپەیمانییا سیادە یا سوننی پیرۆزباهییا ب دوماهی هاتنا هەلبژارتنێن خولا شەشێ یا پەرلەمانێ كوردستانێ ل سەركردایەتی و گەلێ كوردستانێ كر و دیاركر، دەنگدانا خەلكێ كوردستانێ ب پارتی دیموكراتی كوردستان بەلگەیە ل سەر باوەرییا جادەییا كوردی ب پارتی و رێبازا وێ.
خەمیس خەنجەر، سەرۆكێ هەڤپەیمانییا سیادە یا سوننی پیرۆزباهییا ب دوماهی هاتنا هەلبژارتنێن خولا شەشێ یا پەرلەمانێ كوردستانێ ل سەركردایەتی و گەلێ كوردستانێ كر و ل تۆرا جڤاكییا ئێكس بەلاڤكر» پیرۆزباهیێن خوە ئاراستەی پارتی دیموكراتی كوردستان ب سەرۆكایەتییا سەرۆك مەسعود بارزانی دكەم ژ بەر وێ سەركەفتنا مەزن یا ب دەستڤەئینای، كە ئەڤە ژی بەلگەیە ل سەر باوەرییا جادەییا كوردی ب پارتی و رێبازا وێ ژ بەرگریێ ژ مافێن كوردان دژی وان گرۆپێن بەرژەوەندیێن خوە بەری بەرژەوەندیێن مللەتێ دئێخن».
خەمیس خەنجەر هەروەسا راگەهاند، پشكدارییا خەلكی د هەلبژارتناندا و بڕێڤەچوونا پڕۆسەیێ ب شێوەیەكێ باش و هەڤڕكییا دیموكراسی د ناڤبەرا ئالیێن سیاسیدا، بەلگەیە ل سەر پێگیریبوونا خەلكێ كوردستانێ ب بنەمایێن دیموكراسی و لێكگوهارتنا دەستهەلاتێ ب ب شێوەیەكێ ئاشتییانە و ب رێكا سندۆقێن دەنگدانێ.
