داخوازی دهێـتەكرن رێگری ل هاتنا پەزێ ژمووسل بهێتەكرن
ئەڤرۆ، سالار دۆسكی:
سەرۆكێ پشكا ساخلەمیا ئاژەلی ل رێڤه‌به‌ريا ڤێتێەرنەریا دهۆك دیاركر كو ب مەرەما خوه بەرهەڤكرنێ بۆ بەرهنگاربوونا نەخوه‌شیا تایا خوين به‌ربوونێ ، نڤیسارەك بۆ كارگێریا پارێزگەها دهۆكێ هاتيه بلندكرن كو رێ ل تەرشو كەوالێ ژ مووسل دهێت بهێتە گرتن.
د. عەبدالرزاق حاجی، سەرۆكێ پشكا ساخلەمیا رێڤه‌به‌ريا ڤێتێەرنەریا دهۆك بۆ ئه‌ڤرۆنيوز گۆت: پەز ژ پارێزگەها نه‌ينه‌وا دهاتە پارێزگەها هەولێرێ و ب رێيا خازری دهاتە ناڤ پارێزگەها دهۆكێ ژی، لەوما مە نڤێسارەك ئاراستەی پارێزگەها دهۆكێ كریە كو هاتنا تەرش و كەوالی ژ مووسل بۆ دهۆك بهێتە قەدەغەكرن وەك خوه پاراستن ژ ڤێ نەخوه‌شیا دەركەفتی و رێگریكرن ل ئاژەلێ زندی و گوشتی بهێتەكرن و هەر ئاژەلەكێ بهێتـە دناڤ پارێزگەها دهۆكێ دا، ب رەزەمەندیا رێڤه‌به‌ريا ڤێتێەرنەریا دهۆكێ بهێتە وەرگرتن.
ناڤبری ئەو ژی گۆت: رێڤه‌به‌ريا ڤێتێەرنەریا دهۆكێ كومبوونەك ل سەر خوەپارستن ژ نەخوه‌شيا تايا خوين به‌ربوونێ ل گەل هوب و پشكێن گرێدایی ب كاری ڤە ئەنجامدایە و چەند خال هاتینە دارێتن و دووڤچوونا بازاری دێ پتر گڤاشتن ل سەر هێتەكرن و مەیدانكێن پەزی دێ پتر دووڤچوون ل سەر هێتەكرن و كارێ مەیدانكێ دهێـتەكرن ل دووڤ قانوونا عیراقی ئەو كارەكێ نە قانوونی یە دهێتەكرن و داخواز دكەين رێگری ل وی كاری بهێتەكرن.
