داخواز دھێتەکرن باج ل سەر جادەیان ژی بھێتە دانان
ئەڤرۆ نیوز، نەوزاد زادە ھلۆری:
رێڤەبەرێ گشتیێ راگەھاندن و چاپ و بەلاڤکرنێ یا وەزارەتا رەوشنبیری و لاوان د پەیچێ خوە یێ فەیسبووکێ دا نامەکا ڤەکری بۆ سەرۆکێ حکومەتا ھەرێما کوردستانێ فرێدکەت و تێدا دیاردکەت کو پێدڤیە باج ل سەر جاددەیان ژی بھێتە دانان.
ھەلگورد عەبدولوەھاب جندیانی رێڤەبەرێ گشتیێ راگەھاندن و چاپ و بەلاڤکرنێ یا وەزارەتا رەوشنبیری و لاوان د ناما خوه دا دیاردکەت کو ئەو ب ھیڤییە ژ چاکسازیێن حکومەتێ و ئەڤ یەكه ژی ب پێنگاڤەک گرنگ دبینیت و گۆت: “ھەر چەندە درنگە نھا دەست ب چاکسازیان ھاتیەکرن بەلێ نھا ژی باشە، د پرۆژێ چاکسازیێ دا زور دیتن و بووچوون ھاتینە پشتگوھ ھاڤێتن کو پێدڤیە حکومەت ل سەر روونت خوارێ و ب لەز تێدا کار بکەت دا کو دەرباز ببین ژ ڤی بارودوخێ نھا کەفتینە تێدا، وەکو ئێک ژ تاکێن جڤاکی کو خوە بەرپرسیار دبینم ئەڤێ پێشنیازێ و چەند پێشنیارەکێن دن د دەم دەست حکومەتێ و ئومێدەوارم بکەڤیتە د وارێ بجھکرنێ دا”.
ئێک ژ وان ھزر و پێشنیارێن کو ناڤبری بۆ حکومەتێ دانایی کو وەکو باج بھێتە بکارئینان دانا باجێیە ل سەر جاددەیان و دڤی واری دا دبێژیت: “پێدڤییە کوژمێ (250) دیناران ژ ترومبێلێن تایبەتی بھێتە وەرگرتن و (500) دینار ژی ژ ترومبێلێن 4×4 و (500) دینار بۆ ترومێلێن ژ جورێ مینی پاس، دیسان (750) دینار بۆ پاسێن 21 کەسی و (1500) دینار ژی بو پاسێن مەزن و دیسان (500) دینار بۆ ترومبێلێن بارھەلگرێن ئێکتەنی و (750) دینار بۆ ترومبێلێن بارھەلگرێن دو تەنی و (1000) دینار ژی بۆ بارھەلگرێن سەر دو تەنیێ دا، دیسان (5000) دینار ژی بوتانکەرێن پەترولاخاڤ و (1000) دینار ژی بۆ ترمبێلێن بچوکێن بونیادنانێ و یێن مەزن ژی (2000) دینار”.
ل دوماھیێ گوت : ( پێدڤییەئەڤ باج ژیبۆدرۆستکرنا رێ و جادەیێنترۆومبێلان د قەیرانێنداراییدا بھێنە بکارئینان )
