دادگه‌ها فیدرالى کارکردن ب قانوونا ئیمتیازاتێن پەرلەمانتاران راگرت
ئه‌ڤرۆنيوز:
دادگه‌ها فيدرالى يا عيراقى كاركرن ب قانوونا ئيمتيازاتێن ئه‌ندامێن په‌رله‌مانێ عيراقێ ل سه‌ر داخوازا حه‌يده‌ر عه‌بادى سه‌رۆك وه‌زيرێن عيراقێ راگرت.
ئياس ساموك، په‌يڤدارێ دادگه‌ها فيدرالى يا عيراقى راگه‌هاند” بريارا راوه‌ستاندنا بجهئينانا قانوونا ئيمتيازاتێن په‌رله‌مانتاران هاته دان تاكو كێشه‌يا دناڤبه‌را عه‌بادى وسه‌ليم جبوورى سه‌رۆكێ په‌رله‌مانى ب دووماهى دهێت”.
ساموك د به‌ياننامه‌كێ دا گۆت ژى” دادگه‌ها فيدرالى دروونشتنا ئه‌ڤرۆ دووشه‌مبى 23 تيرمه‌ها 2018 بريارا راوه‌ستاندنا بجهئينانا وێ قانوونێ ده‌ركر”.
گۆت ژى” تاكو كێشه‌يا دناڤبه‌را سه‌رۆك وه‌زيران وسه‌رۆكێ به‌رێ يێ په‌رله‌مانى سه‌ليم جبوورى ئێكلا دبيت، ئه‌و قانوون ناهێته بجهئينان”.
ل چه‌ند رۆژێن بۆرى دا، حه‌يده‌ر عه‌بادى سه‌رۆك وه‌يزرێن عيراقێ ل دادگه‌ها فيدرالى تانه ل بريارا ئيمتيازاتێن په‌رله‌مانتاران دا كو ژلايێ په‌رله‌مانى ڤه هاتبوو ده‌ركرن.
