دادگەها فیدرالی:بریارا بلندکرنا ئالایێ کوردستانێ ل کەرکووکێ یا قانوونیە
ئەڤرۆ نیوز ، زنار تۆڤی:
دادگەها فیدرالی ل عێراقێ سەرجەم تانەیێن عەرەب و توركمانان رەتكرن،كو بۆ هەلوەشاندنا قانوونا جڤاتا پارێزگەها كەركووكێ پێشکێش كربوون،ل سەر بلندکرنا ئالایێ كوردستانێ ل كەركووكێ.
ئەڤرۆ دوشەمبی 5.2.2018 رێبوار تالەبانی سەرۆكێ جقاتا پارێزگەها كەركووكێ راگەهاندیە،کو دادگەها بلند یا فیدرالی ل عێراقێ پرسا هەلدانا ئالایێ كوردستانێ ل كەركووكێ ئێكلایی کریە،د بەرژەوەندیا بریارا جڤاتا پارێزگەهێ دا.
سەرۆكێ جڤاتا پارێزگەها كەركووكێ گوتیە ژی، دادگەها بلند یا فیدرالی هەلكرنا ئالایێ كوردستانێ ل كەركووكێ ب قانوونی دانایە داخوازکریە کو لێپرسین ل وان هەموو کەسان بهێتە کرن،یێن کو ئالایێ كوردستانێ ل كەركووكێ ئینایە خوار د ماوێ بوریدا.
هەروەسا تالەبانی ئاشكرا كریە،د ماوێ بوریدا ئەو سكالایێن ل سەر من هاتینە تۆمار كرن،ژلایێ عەرەب و توركومانان ڤە،ب ئەگەرێ بریاردانێ بۆ بلندکرنا ئالایێ كوردستانێ، هەموو هاتنە لادان و دڤێت ئالایێ كوردستانێ جارەکا دیتر ل کەرکووکێ بهێتە بلندکرن.
ل رۆژا 27 ئادارا سالا 2017 جڤاتا پارێزگەها كەركووكێ ب كۆما دەنگان بریارا بلندکرنا ئالایێ كوردستانێ ل باژێرێ كەركووكێ پەسەند كربوو.
