داعشێن کوریا باشوور ئاشکرا بوون
ئەڤرۆ نیوز، ئەیاد بەرواری:
ھەوالگیریا کوریا باشوور رۆژا سێ شەمبی ئاشکراکر کو ١٠ وەلاتیێن وێ گرێدای رێکخستیا داعش یا تیرۆرستی نە.
ئاژانسا نوڤۆستی یا روسی دیارکر کو ئاژانسا (رینخال) ژ ژێدەرەکی ژ ھەوالگیریا کوریا باشوور ڤەگوھاست کو” ١٠ کەس دناڤ کوریا باشوور دا یێن ھاتینە دەستنیشانکرن کو پشتەڤانیا داعشێ دکەن، نە تنێ شەیدایێن وێ رێکخستیا تیرۆرستی نە، بەلکو گرێدای وی نە”.
حوکمەتا کوریا باشوور ددەمێ چەند سالێن بۆری دا ٤٨ کەسێن بیانی دەرکربوون ژ بەر گرێدانا وان ب تیرۆرا نێڤدەولەتی ڤە، دیسا بەری دەمەکی وەلاتیەکێ ئەندنوسی ژی دەستەسەرکربوو کو پاسەپۆرتەکا سەختە دگلەدا بوو و ئەندامێ (قاعیدە) بوو.